So hin nekfeder darčekos prekal o čhavore? Le čhavorenge kampel, hoj len rado te dikhen, te sikaven len a te chraňinen len. Nekfeder darčekos hin te sikavel len pal o Jehovas the o čačipen andal e Biblija. (Ján 17:3) Oda, so tumen dodžanena, pomožinla tumare čhavorenge te kamel le Jehovas, te služinel leske cale jileha imar ciknorestar. (Matúš 21:16)

Prekal o čhavore hin nekfeder, te o daja the o dada len sikaven ča posikra a te pes lenca bavinen. Vašoda sam bachtale, hoj tumenge šaj das kadi brožura: Sikavav man andal e Biblija. Sako jekh lekcija hiňi ajsi, hoj la lokes o čhavore te achaľon. Kadi brožura hiňi prekal o čhave dži andro 3 berš. Dojekh lekcija tel o obrazkos sikavel, sar tumen šaj bavinen peskre čhavorenca. Sikavav man andal e Biblija, nane hračka prekal o čhavore. Te tumen lenge genena kadi brožura, o čhavore sikhľona tumenge te phenel, so len hin pro jilo.

Pačas aleske, hoj kadi brožura pomožinla tumenge te sikavel peskre čhaven o čačipen andal e Bibllija: imar čavorestar. (2. Timotejovi 3:14, 15 E Nevi Zmluva)

Jilestar,

O phrala, so dodikhen pre buči le Jehovaskre svedkengri