O Ježiš oda kerelas avka

So sikhľuvas le Ježišostar?

2) Te džanas te sikhľarel le manušen avka, kaj lokes te achaľon, paľis na bisterena pre koda, so len sikhľarďam a džala lenge oda andro jilo.

 Ker avka sar o Ježiš

3) Ma vaker but. Pro študijum ma vaker savoro, so džanes ke koda, so študinen. Aľe ča koda, so kamel te hazdel upre e kňižka. Te le manušestar vareso phučes, ma siďar a použar, kaj te avel pre oda, so te phenel. Te na džanel te odphenel abo phenel vareso, so e Biblija na sikhľarel, de leske mek aver otazki. Avka šaj buter rozmišľinela a avela pre koda, sar oda hin. Te o manuš achaľola oda hlavno, so e kňižka hazdel upre, džan dureder.

4) Te les sikhľares vareso nevo, peršo chude te vakerel oda, so imar pal oda sikhľiľa. Šaj oda keres avka: Džas te rozkidel lekcija pal oda, hoj o mule šaj pale dživena. Peršo sikrica povakeren pal oda, so imar študinenas andre lekcija, savi vakerel, so hin olenca, so mule.

5) Goďaverones tuke kide avri o prikladi. Sigeder, sar pheneha varesavo priklados, rozmišľin:

1.   a) Hin lokes te achaľol le prikladoske?

2.  b) Achaľola kale prikladoske the o manuš, saveha študinav?

3.  c) Achaľola, so leske le prikladoha kamľom te phenel? Abo ča džanela, savo priklados phenďom?