Sam binošna, cerpinas u meras, bo o Adam la Evaha na šunde le Devles. a Aľe na sam našade. O Jehovas bičhaďa peskere Čhas, le Ježiš Kristus, kaj amen te lel avri andal o binos the meriben. E Biblija phenel, hoj o Ježiš vaš amenge poťinďa bari cena. Savi? Diňa vaš amenge peskero manušeskero dživipen bijo binos, čiže poťinďa ajci, keci kampelas, kaj te avas premukhle andal o binos the meriben. (Pregen Matúš 20:28) O Ježiš šaj dživelas pro furt sar manuš. Aľe ov pes jilestar vzdiňa ajse dživipnastar. Aleha, hoj oda kerďa, o manuša šaj pale chudena sa, so o Adam la Evaha našade. Tiš sikaďa, sar amen igen kamel ov the o Jehovas. Adi lekcija tuke pomožinela, kaj mek buter te achaľos oleske, savo baro sas oda, so o Ježiš kerďa.

1) So lačho hin amen imar akana olestar, hoj o Ježiš muľa?

Sam binošna a vašoda buterval keras vareso, sostar le Jehovas dukhal o jilo. Te čačes bajinaha a mangaha le Jehovas, kaj amenge te odmukhel prekal o Ježiš Kristus a keraha sa, kaj imar pale te na keras oda binos, šaj ciťinas smirom pro jilo, hoj o Jehovas amen furt rado dikhela. (1. Jána 2:1) E Biblija phenel: „O Kristus jekhvar cerpinelas u muľa vaš o bini, o čačipnaskero vaš o načačipnaskere, hoj tumen te anel kijo Del.“ (1. Petra 3:18 NZ)

2) So lačho amen užarel vašoda, hoj o Ježiš muľa?

O Jehovas bičhaďa le Ježiš, kaj te del peskero manušeskero dživipen bijo binos, „kaj ňiko, ko andre leste [Ježiš] presikavel o paťaben te na merel, aľe kaj les te el o dživipen pro furt.“ (Ján 3:16) O Adam anďa pro svetos igen baro nalačhipen, aľe vašoda, hoj o Ježiš muľa, o Jehovas ada nalačhipen so neksigeder odčhivela. Te presikavaha paťaviben andre oda, so kerďa o Ježiš, šaj dživaha pro furt andro rajos, so ela adaj pre phuv! (Izaiáš 65:21–23)

 DODŽAN TUT BUTER

3) Le Ježišoskero meriben amen premukhľa andal o binos the meriben

1. Le Adam sas ťelos the goďi bijo binos, aľe na šunďa le Devles a vašoda sam savore pro drom, so ľidžal ko binos the meriben

2. Le Ježiš sas ťelos the goďi bijo binos, šunelas le Devles a oleha amenge phuterďa o drom, so ľidžal ko dživipen bijo nasvaľiben the meriben

4) Le Ježišoskero meriben šaj anel lačhipen savore manušenge

 5) Cena, so sas poťimen, hin baro daros le Jehovastar predal tute

Oda, hoj samas cinde avri, hin baro daros predal dojekh amendar, so rado dikhas le Jehovas. Pregen Galaťanom 2:20 a paľis vakeren jekhetane:

• O apoštol Pavol sas igen bachtalo, hoj o Ježiš poťinďa peskere dživipnaha the vaš leske. Sar ada džanas?

O Adam kerďa binos a anďa pre peste the pre amende o meriben. Aľe o Jehovas bičhaďa peskere Čhas, kaj te merel, bo kamel the tuke te del o dživipen pro furt.

Te geneha ala teksti, rozmišľin pal o Jehovas, sar leske sas, te leskero Čhavo cerpinelas. Pregen Ján 19:1–7, 16–18 a paľis vakeren jekhetane:

• Sar hin tuke, te džanes, so kerde o Jehovas the o Ježiš predal tute?

 SO SIKHĽIĽAM

Vašoda, hoj o Ježiš muľa, o Jehovas amenge šaj odmukhel o bini a šaj dživas pro furt.

So bi phenehas

• Soske o Ježiš muľa?

• Le Ježišoskero ťelos the goďi bijo binos sas e cena, so kampelas te poťinel. Soske?

• So lačho hin tut olestar, hoj o Ježiš muľa?