LEKCIJA 44
Sar o Del dikhel pro inepi?
O Jehovas kamel, kaj andro dživipen te radisaľuvas a kaj pes varekana te zabavinas. Aľe dojekh inepos abo oslava leske kerel radišagos? Sar sikavas, hoj le Jehovas kamas buter sar varesave inepi?
1) Soske le Jehovaske but inepi džungľon?
But inepi, so o manuša ľikeren, nane zathode pro čačipen, so sikhľarel e Biblija, abo hine andal o falošna vjeri. Aver inepi šaj en spojimen le demonenca, abo sikhľaren, hoj e duša (voďi) pal o meriben dživel dureder. Abo pes paše keren zviki, kaj o dženo te na chudel le jakhendar, kaj te na el pokerdo, abo kaj les te el bacht. (Izaiáš 65:11) O Jehovas phenel peskere ľudoske: „Odcirden tumen [olestar] het... Imar tumen ma chuden le nažužestar.“ (2. Korinťanom 6:17) a
2) Sar hin le Jehovaske, te o inepi igen hazdavkeren upre le manušen?
O Jehovas na kamel, kaj te doperas namištes a vaš kada amenge phenel, kaj pes te na zmukhas pro manuš. (Pregen Jeremiáš 17:5) Aľe varesave inepenca o manuša presikaven bari paťiv le bare rajenge, abo le štatoske, abo la vlajkake. (1. Jána 5:21) A mek aver inepi, savenca pes o manuša maren vaš peskere prava. Sar hin le Jehovaske, te ola inepi hazden upre le manušen a mek kije oda, oslavinen oda, so džal proťi leste?
3) So pes buterval kerel pro oslavi a vašoda odoj na phiras?
E Biblija phenel, hoj amen našťi maťuvkeras, mulatinas a te kerel pijatiki. (1. Petra 4:3) Pre varesave oslavi o manuša keren bare džungaľipena. Te kamas te ačhel lačhe a žuže anglo Jehovas, pre kajse oslavi na džaha.
DODŽAN TUT BUTER
Te ela varesavo inepos, abo tut vičinena pre oslava, so tuke pomožinela, te ľikerel pes avka, kaj te keres le Jehovaske radišagos?
4) Ma dža pro oslavi, so hine nalačhe andre le Jehovaskere jakha!
Pregen Efezanom 5:10 a paľis vakeren jekhetane:
-
So amenge kampel te džanel sigeder, sar džaha pre varesavi oslava abo inepos?
-
Save inepi abo oslavi keren o džene odoj, kaj džives?
-
So phenes, sar pre kala inepi the oslavi dikhel o Jehovas?
Avľa tuke varekana pre goďi, sar o Del dikhel, te vareko kerel berša (narodzeňini)? Andre Biblija na arakhas aňi jekh lav pal oda, hoj bi vareko le Jehovaskere služobňikendar kerďahas berša. Aľe pisinel pal o duj pribehi, kana o manuša, so na služinenas le Jehovaske, kerenas berša. Pregen 1. Mojžišova 40:20–22 the Matúš 14:6–10 a paľis vakeren jekhetane:
-
So pes ačhiľa pro soduj oslavi?
-
Olestar, so akana genďam, so peske o Jehovas mišľinel, te vareko kerel berša?
Šaj tuke phenes: „Čačes hin oda ajso nalačho te džal pro berša, abo pre oslava, so le Jehovaske džungľol?“ Pregen 2. Mojžišova 32:1–8. Paľis mukh o VIDEJO a vakeren jekhetane.
-
Soske kampel te džanel, so hin lačho andre le Jehovaskere jakha?
-
Sar šaj oda keras?
Sar šaj džanes, či varesavo inepos abo oslava le Jehovaske džungľol:
-
Hine zathode pre varesoste, so sikhľaren o falošna vjeri? Arakh tuke, khatar oda inepos avľa.
-
Hazden upre le manušes, abo e politicko strana, abo e himna, abo e vlajka? Amen hazdas upre ča le Jehovas, bo ča ov odčhivela savoro pharipen.
-
Keren pes odoj varesave zviki abo vareso, so hin proťi o Del? Kampel amenge te ačhel žuže andre savoreste.
5) Pomožin avrenge, kaj tuke te achaľon
Varekana hin phares te phenel, hoj lenca na džaha pre lengere oslavi, so le Jehovaske džungľon. Ma vzde tut, vaker lenca buterval the šukare lavenca, soske lenca oda na kereha. Sar šaj oda keres, mukh o VIDEJO.
Pregen Matúš 7:12 a paľis vakeren jekhetane:
-
Sikaven ala lava, hoj majines tu te ispidel la fameľija, kaj tiš te na ľikeren varesavo inepos abo oslava?
-
Sar šaj sikaves tira fameľijake, hoj len furt kames, the te lenca na keres oslavi?
6) O Jehovas kamel, kaj te radisaľuvas
O Jehovas hino rado, te pes zdžas la fameľijaha the le kamaratenca a kaj paš oda te radisaľuvas. Pregen Kazateľ 8:15 a paľis vakeren jekhetane:
-
Sar ala lava sikaven, hoj o Jehovas kamel, kaj te radisaľuvas le dživipnastar?
O Jehovas kamel, kaj pes leskero nipos jekhetane te zabavinel, te bašavel, te khelel. Mukh o VIDEJO, kaj te dikhes, sar oda hin pre amare bare medzinarodna zjazdi.
Pregen Galaťanom 6:10 a paľis vakeren jekhetane:
-
Kampel avrenca te ľikerel savore inepi, kaj te avas ajse, sar phenel oda tekstos?
-
So tuke kerel bareder radišagos? Te des darčekos akor, sar tutar vareso užaren pro inepos, abo te davkeres jilestar chočkana?
-
But Jehovaskere svedki keren peskere čhavorenge radišagos the le bašavibnaha a den len the darčeki. Te tut hin čhave, so predal lende šaj keres?
VAREKO ŠAJ PHENEL: „Tu na mušines te kerel amenca e karačoňa, ča av maškar amende.“
-
So bi tu pre kada phenehas?
SO SIKHĽIĽAM
O Jehovas hino rado, te pes zdžas la fameľijaha the le kamaratenca a kaj paš oda te radisaľuvas. Aľe kamel, kaj te na keras ajse inepi the oslavi, so leske džungľon.
So bi phenehas
-
Sar šaj džanes, či varesavo inepos abo oslava le Jehovaske džungľol?
-
Sar šaj pomožines tira fameľijake the le kamaratenge, kaj te achaľon, soske lenca na keres inepi?
-
Sar džanes, hoj o Jehovas kamel, kaj peske te keras radišagos le bašavibnaha, lačhe chabeneha the le darčekenca?
DIKH TUKE BUTER
Pregen tuke, soske o kresťana na keren varesave inepi.
„Prečo Jehovovi svedkovia neslávia určité sviatky?“ (arakheha pro jw.org)
Pregen tuke, soske sam peske ista, hoj le Devleske džungľol, te o nipi keren berša.
„Prečo Jehovovi svedkovia neoslavujú narodeniny?“ (arakheha pro jw.org)
Dikh tuke, sar o terne keren radišagos le Jehovaske, te pre lende ispiden te kerel o inepi.
But kresťana peske phende, hoj na ľikerena e karačoňa. Pregen tuke, či bajinen, hoj na keren ada inepos.
a Dikh poznamka 5, so te kerel, te vareko kamel, kaj lenca te ľikeras o inepi.
Dikh the pre ada
SO O MANUŠA KAMEN TE DŽANEL
So oda hin te sikhľol la Biblijatar?
Te kavka sikhľona la Biblijatar le Jehovaskere svedkenca, šaj genen andal e Biblija, savi tumen kamen. Šaj vičinen la fajta, le kamaraten abo kas kamen.
