14 LEKCIJA
Kraľišagos, savo vladňinela upral e caľi phuv
Džanes te phenel, savo kraľišagos ada hin? — Oda hin o Devleskero kraľišagos, so kerela amara phuvatar o rajos. Kames te džanel buter pal ada kraľišagos? —
Andre dojekh kraľišagos hin o kraľis a andre peskeri krajina vladňinel le manušenge. Džanes, ko hino o kraľis andro Devleskero kraľišagos? — Oda hin o Ježiš Kristus. Ov dživel andro ňebos. So neksigeder vladňinela ade pre phuv sar o kraľis upral savorende. So phenes, ela amen šukar dživipen, sar ela o Ježiš kraľis upral e caľi phuv? —
Pre soste tut ťešines andro rajos?
Amen ela igen šukar dživipen! Andro rajos pes o manuša na marena a na džana andro vojni. Savore pes ode rado dikhena. Ňiko ode na ela nasvalo a na merela. O kore manuša pale dikhena, o kašuke manuša pale šunena a ola, so našťi phirenas, imar šaj denašena a chuťkerena. Ňiko na ela bokhalo. O zvjeratka ena ča lačhe a bavinena pes jekh avreha the amenca. O manuša, so mule, ena pale uštade ko dživipen. But manuša, pal save tut akana sikaves andre kadi brožura, napriklad e Rebeka, e Rachab, o David abo o Elijaš ena vzkrjesimen thiš.
Kames tut lenca te arakhel andro rajos? —O Jehovas tut rado dikhel a kamel, kaj tut te el šukar dživipen. Te tut furt sikaveha pal o Jehovas a šuneha les, dživeha andro šukar rajos pro furt. Kames ada? —
PREGEN ANDAL E BIBLIJA
-
Izaiáš 2:4; 11:6–9; 25:8; 33:24; 35:5, 6