Meňinker e zor le hlasoske. Vaker zoraleder (tuheder), te hazdes upre o hlavna bodi. Abo te le manušen kames te podhazdel, kaj vareso te keren. Abo te genes andre Biblija pal o rozsudki. Vaker cicheder, te kames, kaj o manuša te ačhen zvedava, so ela dureder. Cicheder hlasoha džaneha feder te preciťinel e dar abo o pharipen.

Meňinker, sar cirdes o hlasos. Te kames tire hlasoha te sikavel o radišagos, abo hoj hin vareso baro, abo dur, dža upre le hlasoha. Te džaha le hlasoha tele, šunďola, hoj preciťines dukh abo pharipen.

Vaker richleder abo polokeder. Te kames tire hlasoha te sikavel o radišagos, vaker richleder. Te kames te hazdel upre oda, so hin dvoležito, vaker polokeder.