Tut korkores oda mušinel te chudel le jilestar. Te tuke keres e priprava, rozmišľin, sar dvoležito hin oda, so kames te phenel. Mište achaľuv o mišľenki, save kames te rozkidel, kaj tut oda te chudel le jilestar. Paľis oda džaneha avka tiš te podel.

Rozmišľin pal o manuša, so tut šunena. Phuč pestar, so lačho lenge anela oda, so geneha abo sikhľareha. Rozmišľin, sar lenge ola lava pheneha, kaj lenge oda te ačhel andro jilo.

Vaker avka, kaj tiri duma te el džiďi. Mi dičhol, hoj the tut oda chudňa jilestar. Pre tiro muj, jakha, vasta mi dičhol oda, so ciťines andro jilo.