Dikh pro manuša lačhe jakhenca. Paťa, hoj o phrala the o pheňa kamen te kerel radišagos le Jehovaske. The akor, te lenge kampel te del rada, peršo hazde upre vareso lačho, vaš soske len le jilestar šaj poašares.

Ma vaker but pal o nalačhipena. Leper len ča akor, te kames olestar vareso lačho te dochudel, kaj pes ola, so tut šunen, alestar te ciťinen zoraľarde.

Podhazde a zoraľar le Devleskere laveha. Furt visar lengeri goďi pre oda, so lačho o Jehovas kerďa predal o manuša, so kerel adaďives a so mek kerela. Avka len deha zor te na vzdel pes a furt te užarel pre oda, so amenge o Del sľubinel.