LEKCIJA 18
Tiri duma lenge vareso mi del
1. Korinťanom 9:19–23
SO ODA HIN: Pomožin olenge, so tut šunen, te rozmišľinen pal tire lava. Mi phenen peske: „Sam ajse rade, hoj pes oda dodžanľam.“
SAR ODA TE DOCHUDEL:
-
Rozmišľin, so imar džanen a so ela predal lende nevo. Ma vaker lenge ča oda, so imar džanen. Šaj phenes ke kodi tema vareso, so ela predal lende nevo abo zaujimavo.
-
Arakh tuke buter informaciji ke tiri tema a rozmišľin, so olestar te kidel avri. Te pes del, kide olestar avri ajse informaciji, save ena neve predal lende, kaj lenca te hazdes upre o hlavna mišľenki. De pozoris, kaj oda, so tuke kidňal avri, čačes te bešel tira temaha.
-
Sikav, so lenge oda dela. Višvetľin, savi goďi šaj chuden, te dživena pal oda, so vakerel e Biblija. Ker oda avka, hoj lepereha vareso andal lengero dživipen – sar dživen, sar rozmišľinen, abo so keren – a sikav lenge, savi chasna lenge anela odi rada andal e Biblija.