Modľin tut a ker tuke lačhi priprava. Mang le Jehovas, kaj tuke te pomožinel te na mišľinel pre tiri trema, aľe pre oda, so kames te phenel. Paš e priprava mište achaľuv, save hin odoj o hlavna bodi. Paľis len rozkide tire lavenca a ma ľiker tut lav lavestar, so hin tut pisimen pro papiris.

Vaker le jilestar. Mišľin pro manuša, so lačho lenge anela oda, so kames te phenel. A paľis pre tu dičhola, hoj oda, so phenes, tuke džal andal o jilo a hoj ole manušen rado dikhes.

Dikh pre ola, savenge vakeres. Te hin tut prejavos, dikh pre ola, kaske vakeres. Phen vareso jekheske, paľis avreske. Ma dikh ča anglal tute.