Hazde upre o lava, save kampel. Te pregenes o tekstos, hazde upre ola lava, so direkt (prjamo) sikaven pre mišľenka, pal savi vakeres. Abo phuč avka, kaj on korkore te aven pre oda, save lava hine odoj dvoležita.

Hazde upre e hlavno mišľenka. Sigeder, sar geneha o tekstos, phen, soske les kames te pregenel. Paľis hazde upre ola lava andal o tekstos, save sikaven, soske genďal koda tekstos.

Lokes višvetľin, sar o tekstos bešel oleha, so vakeres. Ma vaker pal o tekstos savoro, so džanes, aľe ča oda, so kampel. Rozmišľin, so imar o manuša džanen pal oda, pal soste vakeres. A pal oda rozkide o tekstos ča ajci, kaj leske mište te achaľon.