Ha, paťas andro Ježiš, the oleske, so phenďa: „Me som o drom, o čačipen the o dživipen. Ňiko našťi avel ko Dad, aľe prekal mande šaj.“ (Ján 14:6) Paťas, hoj o Ježiš avľa andal o ňebos adaj pre phuv a hoj diňa peskero dživipen bijo binos vaš amenge. (Matúš 20:28) Vašoda, hoj muľa a paľis sas uštado upre andal o meriben, ola, so andre kada paťan, dživena pro furt. (Ján 3:16) Tiš paťas, hoj o Ježiš hino akana kraľis andro Devleskero kraľišagos, so hino andro ňebos. Igen pes ťešinas, hoj ada kraľišagos maj odčhivela savoro trapišagos pre phuv. (Zjavenie 11:15) A tiš das čačipen le Ježiš, sar phenďa: „O Dad hino bareder sar me.“ (Ján 14:28) Vašoda pes ke leste na modľinas, bo džanas, hoj ov nane o nekbareder Del.