Dodžan tut buter pal amare zhromažďeňa. Arakh tuke, kaj hine amare zhromažďeňa andre tiro foros, abo pašes tire gaveske, kaj bešes.

Le Jehovaskere svedken hin duvar andro kurko zhromažďeňe, kaj služinen le Devleske. (Hebrejom 10:24, 25) Pre ala zhromažďeňa šaj aven the ola, so nane le Jehovaskere svedki. Ade pes sikavas, so pisinel e Biblija a sar biblicko goďi amenge šaj pomožinel andre amaro dživipen.

Pre amare zhromažďeňa, amen hin tiš programi, kaj vakeras, čiže das duma pal o biblicka nameti a ko kamel, šaj ke ada vareso phenel. Oda hin avka, sar andre škola. Sako, ko kamel, šaj avel, ňikas na ispidas. O zhromažďeňa začňinen a končinen giľaha the modlitbaha.

Na mušines te el le Jehovaskero svedkos, kaj te aves pre amare zhromažďeňa. Rado odoj dikhaha savoren. Te aveha, na mušines vašoda te poťinel a ňiko ode na phirel pokladňičkaha te mangel o love.