Adaj pes višvetľinel soske the sar le Jehovaskere svedki skiden the použivinen o osobna udaji le zvestovaťeľengere. Tiš phenel, save len hin prava, te amen keras lengere osobne udajenca. Te pes adaj pisinel „tumen“ abo „tumare“, mišľinas oleha udaji le nabolde abo bolde zvestovaťeľengeren a, so phiren andro zbori le Jehovaskere svedkengere. Kala zbori keren ale udajenca, kaj e organizacija le Jehovaskere svedkengeri mište te džal a kaj le Jehovaskere svedki te džanen te kerel peskeri buťi.

Le Jehovaskere svedki hine pal calo svetos. Te adaj pisinas „amari organizacija“, „amaro“ abo „amen“, mišľinas oleha la organizacija le Jehovaskere svedkengeri pal calo svetos the ola pravna subjekti, save použivinas. Ola pravna subjekti hine o zbori, Betela the aver. On šaj keren tumare osobna udajenca pal oda, savi buťi tumen keren predal amende. Watch Tower Bible and Tract Society, A.s.b.l. dodikhel pre le zvestovaťeľengere osobna udaji andro zbori andro Luksembursko.

Sar hin pisimen andre kňižka Organizovaní, aby sme konali Jehovovu vôľu, sar ačhena zvestovateľis, skidas tumare osobna udaji, save amenge diňan, tiš len skidas odarig, khatar len savore šaj dochuden, abo avre manušendar. Keras oda vašoda, kaj tumen šaj te keren predal o Del oda, sar tumen ľidžal tumaro paťaviben a kaj pes pal tumende te del mište duchovňe te starinel. (1. Petra 5:2)

Te kamen vareso te phučel pal oda, sar keras tumare osobne udajenca, mangas, bičhaven imejlos adaj:

LGL-Luxembourg@jw.org

Te kamen te pisinel olenge, so dodikhen pro osobna udaji, mangas, bičhaven imejlos kadaj:

DataProtectionOfficer.LU@jw.org

Teleder arakhena buter pal oda, sar pes kerel tumare osobne udajenca.

Osobna udaji, save pal tumende skidas

But tumare udajendar, save pal tumende skidas a savenca keras, kaj amari organizacija lačhes te džal, amenge den tumen korkore. Vašoda asi na avena prekvapimen olestar, so pal tumende džanas a so oleha keras. Hine oda kala udaji:

• Udaji pal tumende, sar hin tumaro menos, kana uľiľan, či san murš abo džuvľi

• Udaji pal tumare adresi, sar hin adresa, kaj bešen, imejlos, telefonos, kaske šaj vičinas, te pes vareso tumenge ačhela

• Duchovna udaji, sar hin kana pes diňan te bolel, či san „kidlo avri le Devlestar“ abo „aver bakroro“, savi buťi keren andro zboros abo predal e organizacija, sar phiren andre služba, sar san duchovňe zorale, a tiš o datumi kana vareso chudňan te kerel abo preačhiľan te kerel abo aver.

Tumare osobna udaji, save pal tumende skidas, šaj en tiš špecijalna osobna udaji, sar hin oda, andre soste paťan abo ko san.

Pre soste amenge kampel tumare osobna udaji a so paš oda doľikeras

Skidas ča ajse osobna udaji, save amenge čačes kampel a keras lenca avka sar amenge o zakonos domukhel.

Sar ačhena zvestovaťeľis, tumare osobna udaji skidas a použivinas avka sar amenge domukhen o zakoni a save amenge kampel, kaj amari organizacija mište te džal. Kavka tumen šaj keren savoro, so kampel, kaj te ašaren le Devles a kaj pes pal tumende duchovňe te starinas. Te keras vareso tumare špecijalna udajenca, sar hin oda, andre soste paťan, keras lenca avka, kaj pes ke lende te na dochudel ňiko aver. Kerel lenca ča amari organizacija a na bičhavas len avrenge, medik amenge na phenena, hoj len šaj bičhavas. Sigeder, sar keraha vareso tumare osobne udajenca, rozmišľinas, či oda tumenge na anela vareso nalačho abo na džala proťi tumare prava.

Varekana mušinas tumare udajenca te kerel, kaj te doľikeras o zakonos. Te džal pal tumaro abo avrengero dživipen a mušinas te kerel igen sig, šaj keras tumare osobne udajenca, kaj te chraňinas tumen abo avren.

Pre oda, kaj te keras tumare udajenca buterval na kampel, kaj tumen oleha te suhlasinen, bo oda amenge domukhel o zakonos. Aľe te amenge domukhľan te kerel tumare osobne udajenca, paľis keras pal oda. Le čhavengere osobne udajenca, savenge mek na sas 18 berš, šaj keras ča akor, te amenge oda domukhena lengero dad the daj abo ola, so pes pal lende starinen.

Teleder šaj dikhen, kana so pes kerel tumare osobne udajenca, the oda, soske lenca šaj keras. Te kamen vareso te phučel, šaj pisinen olenge, so dodikhen pro osobna udaji. O imejlos hin pisimen upreder.

Dži kana len mukhas

Tumare osobna udaji peske mukhas ča akor, sar hin oda pisimen upreder andro kotor „Pre soste amenge kampel tumare osobna udaji a so paš oda doľikeras“.

Te rozmišľinas, dži kana peske mukhas tumare osobna udaji, doľikeras o zakoni a tiš dikhas pre oda, so savoro džanas pal tumende, či tumare udaji šaj vareko zneuživinel, pre soste len amenge kampel a či ola udaji na džanas te dochudel inakšeder.

Andre dojekh phuv o zakoni šaj phenen inakšeder, keci časos kampel tumare udaji peske te mukhel. Pal oda, sar vakerel o zakonos andre kodi phuv, džanas, dži kana len peske šaj mukhas. Osobna udaji šaj peske mukhas the dureder, te oda o zakonos amendar užarel abo te len kampel amenge akor, te amen vareko cirdel pal o sudi.

Varekana šaj keras avka, hoj tumare udaji šaj peske mukhas pro viskum abo pre štatistika. Keras oda avka, hoj lendar khosas tele o menos, kaj ňiko te na džanel, hoj kaskere hine ola udaji. Ajse udaji peske šaj mukhas pro furt a na mušinas ňikaske pal oda te del te džanel.

Te kamen vareso te phučel pal oda, keci časos peske odthovas tumare udaji, šaj pisinen olenge, so dodikhen pro osobna udaji. O imejlos hin pisimen upreder.

Te kampel te bičhavel o osobna udaji

Le Jehovaskere svedki hine pal calo svetos. Varesave buťa pes keren ča pre varesave thana. Hin oda sar pomožinas olenge, so keren le počitačenca andre amari organizacija. Avka sar hin pisimen adaj, the andre kňižka Organizovaní, aby sme konali Jehovovu vôľu, varekana kampel, kaj o udaji te dikhen buter zbori abo beteli. Sar kamena te džal andre aver zboros, tumare osobna udaji (pal tumende, duchovna, the tumare adresi) bičhavaha andro zboros, kaj džan. Varekana tumare udajenca šaj kerel o Betel andre kodi phuv, kaj san, kaj dureder te keren savore buťa andro nevo zboros a kaj amen te el aktualna tumare duchovna udaji. Kala udaji šaj bičhavas the andre phuva, so nane andre Európska únia (EÚ) abo Európsky hospodársky priestor (EHP). A tiš andre ajse phuva, kaj na plaťinen ňisave zakoni pal o osobna udaji.

Te bičhavas tumare osobna udaji andre amari organizacija, keras avka, kaj len te dikhen ča ola, kaske oda kampel. Te tumare osobna udaji skidňam andre EÚ abo EHP a kampel len te bičhavel andre phuva, so nane andre EÚ abo EHP, ta len bičhavas ča akor te:

• oda dženo dživel andre phuv, sava hin o zakoni pal o osobna udaji, a/abo

• kola phuva doľikeren, so vakerel o zakonos pal o osobna udaji andre EÚ. Džal pal oda sar te bičhavel osobna udaji olenge, so pre kada dodikhen, sar hin napriklad bežna dodatki ko zmluvi, save hine schvalimen le uradoha, so pes vičinel Európska Komisia, a/abo

• te tumen phenďan, hoj šaj bičhavas.

Chraňinas o udaji

Keras sa prekal kada, kaj ko informaciji, ke save avas amara buťaha pes te na dochudel ňiko, ko na majinel. Ke kala informaciji pes na dochudel chočko a keras sa prekal kada, kaj len te chraňinas. Chraňinas len avka, kaj len te na našavas, kaj len ňiko te na zňeužinel a na dikhel len vareko, ko na majinel.

Keras kajsa technikaha the kajse postupenca, kaj te džanas te chraňinel informaciji avka sar kampel. Las the oda, savi lačhi technika amen hin; keci amen oda mola: pre soste oda hin, so savoro ode hin, soske amenge oda hin, pre soste oda amen hin. Las the oda, so pes šaj ačhel a so pal kada vakerel o zakonos a save prava hin le manušes. Amare postupi hine the kala:

• dodikhas, ko dikhel kala informacii a ko len mek šaj dikhel, a či hin sa pisimen lačhes;

• dodikhas, kaj ňiko te na džanel, so maškar peste pisinas abo vičinas a tiš oda, kaj oda hin uložimen;

• dodikhas, kaj ňiko, kaske oda na kampel, te na džanel kaskere udaji oda hin;

• predikhas, či oda sar chraňinas o udaji technicki abo či amare postupi, sar chraňinas o udaji, hine lačhe.

Ola, so šaj dikhen osobna udaji abo ola, so len zapisimen hine viškolimen, kaj te džanen, so lenca šaj keren a so našťi a so hin lengeri buťi.

Kaske šaj das tumare udaji

Tumare osobna udaji šaj das akor:

• te len kampel, avka sar hin pisimen andro kotor „Pre soste amenge kampel tumare osobna udaji a so paš oda doľikeras“. Oda hin, te len kampel andre amari organizacija;

• te oda kamel o zakonos;

• te paťas, hoj oda kampel pre amari ochrana abo oda kampel, kaj oleha te sikhavas pro sudos, hoj na sam vinovata, abo avka chraňinaha amaro majetkos;

• te oda amendar kamela o sudos, abo chudaha sudno prikazis, abo aver zakonos oda amendar kamela, abo regulačno urados, abo aver vladno urados;

• te hin amen pre kada tumaro suhlasis.

Ala tiš šaj mangen tumare udaji (trite strani):

• regulačna organi

• sudos, policija, donucovaca organi

• ola so keren o službi abo pre lende dodikhen

Tumare prava andal o zakonos te džal pal o osobna udaji

O zakonos, savo vakerel pal o osobna udaji, sikavel, hoj hin tumen pre vareso pravos. Varesave tumare prava hin:

• Hin tumen pravos te džanel, so keras tumare osobne udajenca. Hin tumen pravos te džanel, so tumare osobne udajenca keras a kaske len šaj das a sar leske oda das.

• Hin tumen pravos te dikhel tumare osobna udaji. Te kamen, šaj phučen či tumare osobne udaji peske zapisinas. A tiš len šaj dikhen.

• Hin tumen pravos te prikerel tumare osobna udaji. Hin tumen pravos te prikerel a te dopisinel tumare osobna udaji. Te tumenge zmeninďan e adresa abo menos, čislos a mekh aver.

• Hin tumen pravos te vimazinel osobna udaji, te pes oda dela. Kada pravos pes vičinel „právo na zabudnutie“. Kada pravos na plaťinel furt, vaš oda na mušinas te vimazinel savore tumare osobna udaji. Te mangena, kaj te vimazinas osobna udaji, dikhaha, so pre kada vakerel o zakonos. Na las savore kajse žjadosťi andre jekh kopa, aľe sako, ko mangela, dikhaha ča pre leskeri žjadosť.

• Pravos te lel pale o suhlasis. Te tumare osobna udaji zapisinas vaš oda, hoj amenge kada domukhľan, hin tumen pravos kada te lel pale. Buterval peske zapisinas osobna udaji na vaš oda, hoj tumen amenge domukhľan, aľe vaš oda, hoj kada amenge domukhel o zakonos.

• Hin tumen pravos te phenel, so pes kerela tumare osobna udajenca. Naplaťinel kada furt. Kada pravos šaj uplatňinen, te peske mišľinen, hoj andre tumare osobna udaji nane savoro čačipen, abo pisinďan, hoj na kamen, kaj tumare udaji peske te zapisinas, abo oda, hoj len peske zapisinas, džal proťi o zakonos a tumen nakamen, kaj len te vimazinas, aľe kamen, kaj lenca te na keras savoro, so šaj, abo te imar amenge na kampel tumare osobna udaji, aľe tumen kamen, kaj len peske te mukhas, bo kamen kaleha vareso te sikavel, abo oda te del pro sudos.

• Pravos te preanel tumare osobna udaji. Te preanel tumare osobna udaji pes del ča akor, te tumare osobna udaji peske zapisinas, bo hin amen pre kada tumaro suhlasis, abo tumare osobna udaji peske zapisinas, kaj te doľikeras varesave zmluvi a ada savoro džal automaticki.

• Hin tumen pravos te phenel, hoj na suhlasinen, kaj peske te zapisinas tumare osobna udaji. Kada pravos naplaťinel furt. Šaj amenge pisinen, hoj na kamen, kaj peske te zapisinas tumare osobna udaji, te len zapisinas, bo hin amen andre organizacija kajse pokini (oprávnený zaujem).

Te tumen kamen te doľikerel tumaro pravos, šaj pisinen olenge, so pre kada dodikhen pro imejlos, savo hin pisimen upreder. Abo šaj phučen andre varesavo zboros.

Šaj pes ačhel, hoj amenge kampela varesave informaciji pal tumende, kaj te džanas, ko san a kaj te džanas te doľikerel tumaro pravos te dikhel tumare osobna udaji (abo varesavo aver pravos). Kajse postupi keras vaš oda, kaj tumare osobna udaji te na dikhel vareko, kas pre kada nane pravos. Tiš šaj tumendar mangas the aver informaciji, kaj oda, so tumen amendar kamen, te džanas tumenge te odpisinel so neksigeder.

Te peske mišľinen, hoj le Jehovaskere svedki na doľikerde varesavo zakonos pal o osobna udaji abo varesavo aver zakonos, visaren pes pre ola džene, so pre koda dodikhen. Imejlos arakhena upreder. O manuš, so pre kada dodikhel, dikhela, so pes ačhiľa a paľis tumenge dela te džanel, so pes kerela dureder. Tiš hin tumen pravos te džal pro urados, kaj riešinen osobna udaji. Nekfeder andre phuv abo foros, kaj peske mišľinen, hoj pes kerďa varesavi chiba. Abo šaj oda den tiš pro sudos.

Zmeni andre kala pokini

Oda, so keren le Jehovaskere svedki tumare osobne udajenca, pes šaj zmeňinel. Bo meňinas oda, so sar pes kerel andre amari vjera, oda, hoj pes meňinen zakoni, abo oda sar pes meňinel e technika. Te amen vareso zmeňinaha, dikhena oda pre kadi stranka „So pes kerel le osobne udajenca“. Kamas, kaj o zvestovaťeľa te džanen, so peske amen pal lende zapisinas a so a sar oleha keras. Mangav tumen, dikhen pre kadi stranka, kaj te džanen či pes vareso na zmeňinďa.