ТЕ ПОЧМИНА РАЗГОВОРИЈА
ЛЕКЦИЈА 2
Ов природно
Начело: „О лафи вакердо ко право време — кобор тано шукар!“ (Изр. 15:23)
Со керѓа о Филип?
1. Дикх о ВИДЕОКЛИПИ или читин Апостолија 8:30, 31. Пало адава размислин башо акала пучиба:
Со сикљоваја таро Филип?
2. Ако мукхаја о разговор те овел природно, најверојатно о мануш ка овел поопуштимо хем ка мангел те шунел амен.
Џа пало е Филипескоро пример
3. Приметин шукар. Шај бут те дознајне башо мануш таро адава саве гестија хем фаце керела. Дали дикхјола кај о мануш мангела те керел туја лафи? Шај те почмине те кере леа лафи башо несаво библиско чачипе аѓаар со ка пуче ле: „Дали џанљан кај...?“ Ако некој на мангела те керел туја лафи, ма чхив ле силаја.
4. Ов стрпливо. Ма мислин кај ваљани одма те вакере нешто тари Библија. Аџикер о право моменти те шај о разговор те овел природно. Понекогаш, шај ка ваљани те аџикере јавер прилика те шај те кере леа лафи баши Библија.
5. Ов прилагодливо. О мануш шај ка вакерел нешто со на аџикерѓан. Адалеске, вакер нешто со ле ка интересинел, чак ако ту мангљан те кере лафи башо нешто јавер.
ДИКХ ХЕМ:
Проп. 3:1, 7; 1. Кор. 9:22; 2. Кор. 2:17; Кол. 4:6