ТЕ ПОЧМИНА РАЗГОВОРИЈА
ЛЕКЦИЈА 3
Ов љубезно хем сикав шукарипе
Начело: „О мангипе тано... љубезно“ (1. Кор. 13:4)
Со керѓа о Исус?
1. Дикх о ВИДЕОКЛИПИ или читин Јован 9:1-7. Пало адава размислин башо акала пучиба:
-
а) Дали о Исус прво сасљарѓа е короле мануше или прво вакерѓа леске о шукар хабери? (Дикх Јован 9:35-38.)
-
б) Со мислинеа, соске о мануш сине спремно те шунел е Исусе?
Со сикљоваја таро Исус?
2. Веројатно о мануша ка овен поспремна те шунен амен ако дикхена кај искрено интересинаја амен ленге.
Џа пало е Исусескоро пример
3. Сикав сочувство е манушеске. Пробин те замислине туке сар осетинела пе.
-
а) Пуч тут: Со шај секиринела ле? Со шај те поможинел ле хем те интересинел ле? Адава ка поможинел туке ко природно хем искрено начин те ове љубезно хем шукар.
-
б) Сикав кај туке важно адава со вакерела, аѓаар со ка шуне ле шукар. Ако вакерела туке сар осетинела пе или таро саво пхарипе накхела, ма менин и тема.
4. Кер лафи ко љубезно начин хем сикав поштовање. Таро адава сар кереа лафи ка дикхјол дали чаче сикавеа сочувство хем мангеа те поможине. Бирин шукар тле лафија хем пазин сар вакереа лен. Ма вакер нешто со шај те вреџинел ле.
5. Ов спремно те поможине. Роде соодветна прилике те поможине ко практично начин, адава шај те анел џи ко шукар разговор.
ДИКХ ХЕМ:
Рим. 12:15, 16; Гал. 6:10; Евр. 13:16.
