Вазде хем тикњар тло гласо. Вазде тло гласо кеда мангеа те истакнине о главна мисле хем те поттикнине околен со шунена тут. Кер акава исто аѓаар кеда читинеа несаве осуде тари Библија. Тикњар тло гласо кеда мангеа те бајраре о интерес е манушенгоро со шунена тут, или те сикаве кај некој дарала или секиринела пе.

Менин тло гласо. Кеда сием бахтале или тажна на кераја лафи ко исто начин. Адалеске, тло гласо ваљани те менине ле спрема адава дали кереа лафи башо буќа со керена амен тажна или бахтале.

Кер посигате хем попохари лафи. Кеда објаснинеа нешто со ваљани те керел о јавера те овен возбудиме или бахтале, кер посигате лафи. Кеда истакнинеа важна мисле кер попохари лафи.