Размислин башо мануша со шунена тут. Те шај те сикаве ленге сочувство, размислин саве проблемија иси лен. Пробин те чхиве тут ки ленгири кожа.

Бирин шукар саве лафија ка вакере. Трудин тут те охрабрине, те утешине е јаверен хем те кере позорали ленгири вера. Ма вакер лафија коленцар со шај те вреџине е јаверен. Ма кер негативно лафи башо окола со на верујнена ко Јехова или башо ленгере верувања кола со бут значинена ленге.

Сикав кај интересинеа тут ленге. Сикав е јаверенге кај чаче интересинеа тут ленге аѓаар со ка кере љубезно лафи хем ка користине соодветна гестија. Таро израз ко тло муј ваљани те дикхел пе кај грижинеа тут е јаверенге. Аса почесто.