Размислин кола буќа тане пенџарде е манушенге со шунена тут. Наместо само те повторине мисле кола со џанена лен, поможин ленге те дикхен о буќа тари јавер страна.

Истражин хем размислин. Кеда шај, објаснин о главна мисле аѓаар со ка кере лафи башо буќа кола со нане бут пенџарде или башо нешто со уло сигенде. Хор размислин башо материјали хем башо адава сар тано поврзимо е буќенцар со мангеа те вакере лен.

Истакнин која тани и корист таро адава со вакереа. Објаснин сар шај о мисле тари Библија те поможинен е манушенге ко ленгоро живото. Кер лафи башо конкретна ситуацие, ставија хем постапке кола сој ленге важна.