3 ЛЕКЦИЈА
Користин пучиба
Мат. 16:13-16
СО ТЕ КЕРЕ: Пуч тактична пучиба те шај те поттикнине хем те задржине о интерес е манушенгоро, те поможине ленге коркори те авен џи ко исправно заклучок хем те истакнине о главна мисле.
САР ТЕ КЕРЕ АДАВА:
-
Поттикнин хем задржин о интерес. Пуч пучиба со ка поттикнинен лен повише те размислинен хем те манген повише те џанен.
-
Поможин ленге те хаљовен и тема. Користин некобор пучиба со ка поможинен адаленге со шунена тут те хаљовен и логика хем те авен џи ко исправно заклучок.
-
Истакнин о главна мисле. Пуч интересно пучибе англедер те вакере несави главно мисла. Откеда ка кере лафи баши несави важно мисла или англедер те завршине тле точкаја, користин пучиба повторибаске.
