Аракх хем користин провериме информацие. Адава со вакереа ваљани те овел таро е Девлескоро Лафи хем секогаш кеда шај читин директно лестар. Ако мангеа те вакере несаво научно факти, хабери, искуство или нешто јавер со ка потврдинел адава со вакереа, англедер уверин тут дали адаја информација тани проверими хем дали панда важинела.

Користин исправно о информацие. Кеда мангеа те објаснине јекх стихо, ваљани прво те хаљове со мангља о Јехова те сикавел амен преку адава стихо. Исто аѓаар, адава со објаснинеа ваљани те овел ко склад адалеа со вакерела и Библија баши адаја тема хем со вакерена о публикацие таро „верно хем разборито робо“ (Мат. 24:45). Ако користинеа информацие таро световна референце, вакер о лафија сар сој хем ма вакер нешто појавер таро адава со мангља о писатели те вакерел.

Поможин околенге со шунена тут те размислинен башо доказија. Откеда ка читине несаво стихо или ка цитирине несави јавер информација, пуч тактична пучиба или вакер пример те шај о јавера коркори те авен џи ко исправно заклучок.