Користин едноставна споредбе. Ов сар о Исус, користин едноставна буќа кола сој пенџарде е манушенге те шај те објаснине ленге попхаре буќа. Ма вакер деталија кола со ка керен и споредба попхари те хаљовел пе. Трудин тут ки споредба те овен буќа сој поврзиме е поукаја. Ако на кереа аѓаар, тегани о мануша шај те овен буниме таро деталија кола со нане поврзиме е главно поукаја.

Мислин ко окола со шунена тут. Ко тле споредбе кер лафи башо буќа сој пенџарде хем со интересинена е манушен. Пазин тле споредбенцар те на лаџакере или те вреџине околен со шунена тут.

Сикав и главно поука. Размислин сар те истакнине о главна мисле, а на несаве тикне деталија. Трудин тут о јавера те на памтинен само и споредба него исто аѓаар и главно поука да.