БЕТЕЛСКО СЛУЖБА: О крстиме објавителија со иси лен 35 берш хем похари, кола со мангена те служинен ко Бетел, шај те џан ко состанок е кандидатенге башо Бетел со ка икерел пе петок ки пауза. Башо тхан хем време акале состанокоскоро ка овен англедер известиме.

ШКОЛА БАШО ПОЛНОВРЕМЕНА ОБЈАВИТЕЛИЈА: О пионерија со иси лен таро 23 џи ко 65 берш хем кола со мангена те служинен ки побари мера шај те џан ко состанок е кандидатенге баши Школа башо полновремена објавителија со ка икерел пе недела ки пауза. Башо тхан хем време акале состанокоскоро ка овен англедер известиме.

РЕДАРИЈА: Е редарен иси лен задача те поможинен тумен. Молинаја тумен, соработинен ко са ленцар хем шунен ленгере упатствија башо паркинг, пхирибе ко конгресно објекти, астарибе тхана хем јавера буќа.

КРСТИБЕ: Башо кандидатија крстибаске тане астарде тхана англи бина. Ола ваљани те бешен адатхе сабота сабајле англедер те почминел о говор адаленге со ка крстинен пе. Секој ваљани те лел песке пешкири хем пристојна шеја крстибаске.

ПРИЛОГИЈА: Ваљанѓе аменге бут материјална средствија те шај те овен амен тхана бешибаске, озвучување, видеоопрема хем бут јавера буќа со керена те осетина амен шукар ко акава конгрес хем те ова панда попаше е Јеховаја. Тумаре доброволна прилогија поможинена те платинен пе акала буќа хем ленцар поддржинаја са со керела амари организација башо Царство ко цело свето. Ко цело објекти иси означиме кутие башо доброволна прилогија. Бут ценинаја са о прилогија. О Водечко тело тано благодарно со сиен дарежлива хем со поможинена о дело башо Царство.

ПРВА ПОМОШ: Молинаја тумен, ма бистрен кај акаја служба тани САМО БАШО ИТНА СЛУЧАИЈА.

НАШАВДЕ ХЕМ АРАКХЛЕ БУЌА: Са о буќа со ка аракхен лен ваљани те ингарен лен ко акава оддел. Ако нашавѓен несаве буќа, џан ко адава оддел хем проверинен дали тане адатхе. О чхаве со нашавдиле таро пле родителија ваљани те ингарен пе ко акава оддел. Ама, на ваљани те бистра кај адава оддел нане градинка. Адалеске молинаја тумен, пазинен тумаре чхаве те овен узи туменде.

ТХАНА БЕШИБАСКЕ: Молинаја тумен, мислинен е јаверенге да. Ма бистрен кај шај те астарен тхана само тумаре фамилијаке, околенге со патујнена туменцар ко исто врда, тумаре гостонге хем околенге со проучинена ленцар и Библија. Молинаја тумен, ма мукхен буќа ко тхана кола со на астарѓен лен.

ДОБРОВОЛНО СЛУЖБА: Ако мангена те поможинен ко конгрес, молинаја тумен пријавинен тумен ко Оддел башо информацие хем доброволно служба.