4 ДЕЛО
Ола шунѓе е Сатана — со анѓа адава?
О Адам хем и Ева на шунѓе е Девле, адалеске ола муле (1. Мојсеева 3:6, 23)
И Ева шунѓа е сапе хем хаља таро каш. Пало адава, ој денѓа е Адамеске хем овда хаља.
Адава со керѓе сине погрешно — керѓе грево. О Девел палдинѓа лен таро рај.
О живото ленге хем ленгере чхавенге сине пхаро. Ола пхуриле хем муле. Ола на геле ко несаво јавер свето; ола повише на постојнена сине.
Е мулендар ништо на ачхола (1. Мојсеева 3:19)
Амен мераја соске сарине аваја таро Адам хем и Ева. О муле нашти те дикхен, те шунен или нешто те керен (Проповедник 9:5, 10).
О Јехова на мангља о мануша те мерен. Панда хари ов ка ваздел са е мулен. Ако шунена ле, ола ка живинен вечно.
Шај исто ка интересинел тут
ОСНОВНА БИБЛИСКА СИКЉОЈБА
Со овела е манушенцар пало мерибе?
И Библија ветинела кај ка авел време кеда бут мануша ка воскреснинен сар о Лазар.
ОСНОВНА БИБЛИСКА СИКЉОЈБА
Соске о Девел панда мукхела те овел о лошнипе хем о муке?
И Библија дела аменге шукар хем утешна одговорија башо адава.
