Со аџикерела амен ко вакти со авела?
Дали амаро сумнал...
-
ка ачхол сар со и?
-
ка овел побилачхе?
-
ка овел пошукар?
СО ВАКЕРЕЛА И БИБЛИЈА
„О Девел . . . ка косел секоја асвин таро ленгере јакхја, хем мерибе нане те овел, ни жалибе, ни ројбе, ни дукха. Са со сине англе, накхља“ (Откровение 21:3, 4).
СО ЗНАЧИНЕЛА АКАВА ТУКЕ
Шукар бути (Исаија 65:21-23).
Нане побутер нисаве насвалипа хем муке (Исаија 25:8; 33:24).
Вечно хем бахтало џивдипе околенцар со мангеа лен (Псалм 37:11, 29).
ШАЈ ЛИ ТЕ ВЕРУЊА Е БИБЛИЈАКЕ?
Оја, најхари таро дуј причине:
-
О Девел шај те керел адава со вакерѓа. И Библија само башо Јехова вакерела кај тано „Семоќно“, соске лескере сила нане ла крајо (Откровение 15:3). Адалеске ов шај те икерел по лафи кај ка менинел амаро сумнал ко пошукар. И Библија вакерела кај о Девел шај те керел са (Матеј 19:26).
-
О Девел мангела те керел адава со вакерѓа. На пример, ки Библија пишинела кај о Јехова бут мангела палем те иранел ко џивдипе е манушен со муле (Јов 14:14, 15).
Тари Библија дикхаја кај е Девлескоро чхаво, о Исус, сасљарела сине е насвален. Соске керела сине адава? Адалеске со мангела сине е манушен (Марко 1:40, 41). Сар по Дад, о Исус да мангља те поможинел околенге со ваљанѓа помош (Јован 14:9).
Шај те ова сигурна кај хем о Јехова хем о Исус, мангена те поможинен амен те ова бахтале! (Псалм 72:12-14; 145:16; 2. Петрово 3:9).
РАЗМИСЛИН
Сар о Девел ка менинел амаро сумнал ко пошукар?
О одговор тари Библија башо акава пучибе ка аракхе ко МАТЕЈ 6:9, 10 хем ДАНИЕЛ 2:44.
Шај исто ка интересинел тут
ОСНОВНА БИБЛИСКА СИКЉОЈБА
Сој е Девлескоро Царство?
Џикоте сине о Исус ки служба, ов керела сине највише лафи башо е Девлескоро Царство. Веконцар, лескере ученикија молинена пе сине те авел о Царство.
СТРАЖАРСКО КУЛА
Со ка керел е Девлескоро Царство?
О Исус џанља кај е Девлескоро Царство тани и единствено влада со шај те решинел о проблемија ко свето. Со више керела е Девлескоро Царство те шај те бајрарел амари доверба ки лесте?
