Ко 2023 берш, о експертија башо састипе вакерена кај и осаменост тани јекх бут баро проблеми хем ваљани нешто те керен башо адава. Дали иси несаво решение баши осаменост?

•   „Кеда сием осамена хем цидаја амен таро јавера мануша, адава шај бут те влијајнел ко амаро састипе хем среќа“, вакерѓа о Др. Вивек Мурти, министери башо здравсто ко САД. Ама исто аѓаар вакерѓа: „Амен шај те кера нешто башо адава“. Со шај те керел пе? „Шај похари секова диве те бајрара амаро амалипе“. a

 На осетинаја амен осамена само ако одвојнаја амен таро мануша. Некој шај те осетинел пе осамено чак кеда тано машкар бут џене. Бизи разлика соске осетинаја амен осамено, и Библија шај те поможинел. Ки лате иси практична советија башо адава сар те бајрара амаре амалипа, а адава ка поможинел аменге те осетина амен похари осамена.

 Сикљов шукар те комуницирине. Адава на значинела само те вакера сар амен осетинаја амен, него шукар те шуна кеда о јавера вакерена сар осетинена пе. Кобор повише сикавеа интерес е јаверенге, добором повише ка овел зорало тло амалипе ленцар.

•   Библиско начело: „Ма дикхен само туменге те овел шукар, него исто аѓаар е јаверенге да“ (Филипјања 2:4).

 Нека овен тут различна амала. Ов спремно те ове амал е попхуренцар или потерненцар хем некасаја сој тари јавер култура или нација.

•   Библиско начело: „Ширинен тумаре виле“ (2. Коринќања 6:13).

 Башо повише информацие сар те ове попаше амал е јаверенцар, читин и статија „Како да ја задоволиме потребата од пријатели.“