Шај, исто сар бутенге амендар, туке да пхаро те памтине адава со проучинеа. Сепак, дали приметинѓан кај локхе шај те сетина амен ко споредбе со вакерѓа лен о Исус? Уствари, со поможинѓа аменге те памтина лен? Адава со кераја аменге слике лендар ки годи. Слично, те шај пошукар те памтине адава со проучинеа, пробин те замислине туке о буќа. Сар шај те кере адава? Аѓаар со ка цртине слике џикоте проучинеа.

О мануша со цртинена слике башо неве буќа со сикљовена бут пути пошукар памтинена лен. Ола халиле кај о цртибе поможинела ленге на само те памтинен лафија, него хем покомплицирана идее. Асавке слике на ваљани те овен уметничка, него едноставна. О истражувања сикавена кај акава начин посебно шај те поможинел е попхуренге.

Кеда јавер пути ка проучине, шај те цртине некобор слике башо адава со сиклиљан. Шај ка ове изненадимо кобор бут ка памтине.