Читин 1. Мојсеева 37:23-28; 39:17-23 те шај те дознајне сар о пример е Јосифескоро шај те поможинел туке те издржине о неправде.

Дознајн повише таро контекст. Соске о јавера керѓе неправда е Јосифеске? (1. Мој. 37:3-11; 39:1, 6-10). Кобор време о Јосиф ваљани сине те издржинел о неправде? (1. Мој. 37:2; 41:46). Со керѓа о Јехова е Јосифеске ко адава периоди, а со на керѓа? (1. Мој. 39:2, 21; w23.01 17, пас. 13).

Истражин о деталија. Ки Библија на пишинела кај о Јосиф бранинѓа пе кеда е Петефријаскири ромни вакерѓа ховајбе хем кривинѓа ле. Сар шај акала стихија те поможинен амен те хаљова соске о Јосиф шај одлучинѓа те чутинел или соске на ваљани те мислина кај мора те џана са о деталија? (Изр. 20:2; Јован 21:25; Апо. 21:37). Кола особине шај поможинѓе е Јосифеске те издржинел о неправде? (Мих. 7:7; Лука 14:11; Јак. 1:2, 3).

Размислин башо поуке. Пуч тут:

• „Саве неправде шај те аџикерав те овен ман адалеске со сиум е Исусескоро ученико?“ (Лука 21:12, 16, 17; Евр. 10:33, 34).

• „Со шај те керав панда акана те шај те издржинав о неправде?“ (Пс. 62:7, 8; 105:17-19; w19.07 2-7).