ЏАНГАВЃОВЕН! Бр. 2, 2020 | Соске цидаја муке?
Ко јекх моменти таро амаро живото сарине доживинаја несави трагедија сар сој насвалипе, несреќа, природно катастрофа или насилство.
О мануша мангена те џанен соске цидена муке.
Несаве мануша мислинена кај цидена муке соске аѓаар сине ленге пишимо хем адалеске нане лен скоро нисави контрола упро адава.
Несаве верујнена ки карма. Ола вакерена кај цидаја муке адалеске со ко акава живото или ко несаво живото англедер керѓем нешто лошно.
Кеда случинела пе несави трагедија, е манушен иси лен повише пучиба него одговорија.
Различна верувања
Дознајн саве верување башо муке иси различна религиен.
1 Дали о Девел тано криво башо муке со цидаја лен?
Бут мануша верујнена кај о Девел тано криво башо муке со цидаја лен. Ама, дали адава тано чаче?
2 Дали амен сием крива башо муке со цидаја лен?
Ако о одговор тано оја, тегани шај те кера нешто те на овен добором муке.
3 Соске о шукар мануша цидена муке?
И Библија шај те поможинел аменге те дознајна о одговор.
4 Дали е Девле сине ле намера те цида муке?
Дали о Девел, кова со керѓа добором шукар буќа ко свето, сине ле намера о мануша те циден муке? Ако на, тегани соске цидаја муке?
5 Ка авел ли крајо е мукенге?
И Библија вакерела аменге сар о Девел ка анел крајо е мукенге.
Кај те аракхе помош
Чак ако мислинаја кај о проблемија нашти те решинен пе, шај те аракха практично помош.
