Ов сар о Јехова, о Девел со охрабринела е јаверен
Нека овел фалимо о Девел кова со дела амен утеха ки секоја амари неволја (2. КОР. 1:3, 4)
ГИЉА: 7, 3
1. Саво охрабрување денѓа о Јехова кеда о Адам хем и Ева бунинѓе пе против лесте?
О ЈЕХОВА тано Девел кова со охрабринела е јаверен. Ов акава керела панда таро време кеда о мануша грешинѓе хем уле несовршена. Уствари, одма откеда о Адам хем и Ева бунинѓе пе против о Девел, ов денѓа јекх пророштво кова со ваљани сине те дел храброст хем надеж е манушенге кола со ки иднина ка хаљовен ле сине. Спрема акава пророштво, кова сој пишимо ки 1. Мојсеева 3:15, о Сатана хем са о лошна буќа со керѓа лен ка овен уништиме (1. Јов. 3:8; Отк. 12:9).
О ЈЕХОВА ОХРАБРИНЃА ПЛЕ ВЕРНА СЛУГЕН
2. Сар о Јехова охрабринѓа е Ное?
2 Размислин башо адава сар о Јехова охрабринѓа пле слуга е Ное. О мануша со живинена сине ко лескоро време сине насилна хем неморална, а само ов хем лескири 1. Мој. 6:4, 5, 11; Јуда 6). Ама, о Јехова денѓа ле и храброст која со ваљани сине леске те шај понадари да те служинел леске хем те постапинел исправно (1. Мој. 6:9). Сар керѓа адава? Аѓаар со вакерѓа леске кај ка уништинел адава лошно свето, хем објаснинѓа леске со ваљани те керел те шај те спасинел пле фамилија (1. Мој. 6:13-18). Аѓаар о Ное коркори уверинѓа пе кај о Јехова тано Девел со охрабринела е јаверен.
фамилија служинена сине е Јеховаске. Адава шај сине те обесхрабринел ле (3. Сар охрабринѓа о Јехова е Исус Навине? (Дикх и слика ко почеток тари статија.)
3 Пало несаво време, о Јехова охрабринѓа пле слуга е Исус Навине, коле со сине ле бут пхари задача. Ов ваљани сине те кхувел е Девлескере народоја ки Ветими пхув хем те побединел силна народон кола со живинена сине адатхе. О Јехова џанља кај е Исус Навине сине ле бут причине те дарал, адалеске вакерѓа е Мојсејеске: „Чхив е Исус Навине те овел водачи, охрабрин ле хем кер ле зорало, соске ов ка џал англо народо хем ка дел ленге ко наследство и пхув со ка дикхе ла“ (5. Мој. 3:28). Пало несаво време, о Јехова охрабринѓа е Исус Навине е лафенцар: „Дава тут заповед панда јекх пути: Ов храбро хем силно! Ма дара, соске туја тано о Јехова, тло Девел, било коте те џа!“ (Ис. Нав. 1:1, 9). Адава сине чаче баро охрабрување!
4, 5. а) Сар охрабринѓа о Јехова пле слуген ко пурано време? б) Сар о Јехова охрабринѓа пле Чхаве?
4 О Јехова исто аѓаар охрабринела сине пле слуген сар група. На пример, ов џанља кај е Израелцонге ка ваљани охрабрување кеда ка овен ко ропство ко Вавилон. Адалеске утешинѓа лен јекхе охрабрувачко пророштвоја: „Ма дара, соске ме сиум туја! Ма ов секиримо, соске ме сиум тло Девел. Ме ка керав тут зорало хем ка поможинав туке. Ка икерав тут мле десно праведно вастеа“ (Иса. 41:10). Акала лафија важинѓе е христијаненге таро прво веко, а важинена аменге да авдиве. (Читин 2. Коринќаните 1:3, 4.)
5 О Јехова охрабринѓа пле Чхаве да. Откеда крстинѓа пе, о Исус шунѓа гласо таро небо: „Акава тано мло мангло Чхаво, кова со керела ман бахтало“ (Мат. 3:17). Акала лафија сигурно денѓе сила е Исусе џикоте керела сине пли служба акате ки Пхув.
О ИСУС ОХРАБРИНЃА Е ЈАВЕРЕН
6. Сар охрабринела амен е Исусескири споредба е талантенцар?
6 О Исус џала сине пало пример пле Дадескоро аѓаар со охрабринела сине е јаверен те ачховен верна е Девлеске. Адава дикхјола пе тари споредба е талантенцар колате со о господари пле секоле верно слугаске вакерѓа: „Шукар керѓан, мло шукар хем верно слуга! Сиан сине верно ко хари буќа, адалеске ка чхивав тут те грижине тут башо повише буќа. Ов бахтало тле господареа“ (Мат. 25:21, 23). Акала лафија охрабринѓе лескере ученикон понадари да верно те служинен е Јеховаске.
О Исус охрабринѓа е Петаре хем чак денѓа ле задача те керел позорали е јаверенгири вера
7. Сар о Исус охрабринѓа пле апостолен, посебно е Петаре?
7 Иако о апостолија бут пути акошена пе сине башо адава кој лендар тано најбаро, о Исус секогаш сине стрпливо ленцар. Ов охрабринѓа лен те овен понизна хем те служинен е јаверенге, Лука 22:24-26). О Петар некобор пути грешинѓа хем разочаринѓа е Исусе (Мат. 16:21-23; 26:31-35, 75). Ама, о Исус никогаш на отфрлинѓа е Петаре, него охрабринѓа ле хем чак денѓа ле задача те керел позорали и вера пле пхраленгири (Јован 21:16).
а на те манген о јавера те служинен ленге (САР Е ДЕВЛЕСКЕРЕ СЛУГЕ ОХРАБРИНЃЕ Е ЈАВЕРЕН
8. Сар о Езекија охрабринѓа е заповедникон е војскакере хем е народо?
8 Е Јеховаскере слуге џанена сине кај ваљани те охрабринен е јаверен панда англедер те авел о Исус ки Пхув хем те дел пример башо адава. Размислин башо Езекија. Кеда о Асирција планиринѓе те нападинен о Ерусалим, ов кхединѓа е заповедникон е војскакере хем е народо те шај те охрабринел лен хем ола сине охрабриме таро лескере лафија. (Читин 2. Летописи 32:6-8.)
9. Со шај те сикљова таро Јов башо охрабрување?
9 Шај исто аѓаар бут те сикљова башо охрабрување таро Јов. Иако леске ваљанѓа охрабрување, ов сикавѓа е јаверен сар ваљани те охрабринен. О Јов вакерѓа е манушенге со але те утешинен ле кај ако ов би овела сине ко ленгоро тхан, пле лафенцар ка дел лен сине сила хем ка поможинел ленге сине те осетинен пе пошукар (Јов 16:1-5). Ама, ко крајо о Јов добинѓа охрабрување таро Елиу хем лично таро Јехова (Јов 33:24, 25; 36:1, 11; 42:7, 10).
10, 11. а) Соске ваљани сине охрабрување е Јефтајескере чхајаке? б) Кас шај те охрабрина авдиве?
10 Е Јефтајескере чхајаке исто аѓаар ваљани сине охрабрување. Лакоро дад, о судија о Јефтај, ваљани сине те боринел пе против о Амонција. Ов ветинѓа е Јеховаске кај ако поможинела леске те побединел, окова со прво ка икљол англи лесте кеда ка иранел пе кхере ка служинел е Јеховаске ко свето шатори. О Израелција побединѓе хем англи лесте прво иклили лескири чхај, а освен лате на сине ле јавера чхаве. Е Јефтајескоро вило сине пхаго. Ама, ов ачхило пле лафесте хем бичхалѓа пле чхаја те служинел ко свето шатори џи ко крајо таро лакоро живото (Суд. 11:30-35).
11 Иако е Јефтајеске сине пхаро, лескере чхајаке сигурно сине панда попхаро. Ама, ој спремно керѓа адава со ветинѓа лакоро дад (Суд. 11:36, 37). Акава значинѓа кај никогаш нане те овел ко брако или те овен ла чхаве, хем нане те овел продолжими е Јефтајескири фамилијарно лоза. Бут ваљанѓа лаке утеха хем охрабрување. И Библија вакерела: „Оттегани ко Израел уло обичај секова берш, штар диве ко берш, о чхаја таро Израел те џан хем те охрабринен е Јефтајескере чхаја, о Галадцо“ (Суд. 11:39, 40). Лакоро пример сетинкерела амен ко е Девлескере слуге авдиве кола со нане ко брако адалеске со мангена те керен повише ки служба башо Јехова. На заслужинена ли ола да те фалина лен хем те охрабрина лен? (1. Кор. 7:32-35).
О АПОСТОЛИЈА ОХРАБРИНЃЕ ПУМАРЕ ПХРАЛЕН
12, 13. Сар о Петар керѓа зорали и вера пле пхраленгири?
12 И рат англедер те мерел, о Исус вакерѓа е Петареске: „Симон, Симон, дикх, о Сатана родинѓа те керел туменцар адава со керела јекх мануш кеда одвојнела о гив тари лескири лушпа. Ама ме таро вило молинѓум ман туке тли вера те на слабонел. А ту, кеда ка иране тут, кер зорали и вера тле пхраленгири!“ (Лука 22:31, 32).
Е апостоленгере писмија охрабринѓе е христијанен ко прво веко, а охрабринена амен да авдиве (Дикх о пасусија 12-17)
13 О Петар сине јекх таро пхраља со предводинена сине ко христијанско собрание ко прво веко (Гал. 2:9). Ов охрабринѓа е пхрален адалеа со сикавѓа храброст ки Педесетница хем пало адава. Откеда служинѓа бут берша, ов пишинѓа е пхраленге: „Пишинава туменге хари лафенцар те шај те охрабринав тумен хем те сикавав туменге кај о Девел чаче сикавѓа туменге шукарипе со на заслужинаја ле. Ки лесте ачховен!“ (1. Пет. 5:12). Е Петарескере писмија охрабринѓе е пхрален ко лескоро време, хем ола амен да охрабринена амен авдиве џикоте аџикераја е Јеховаскере ветувања целосно те исполнинен пе (2. Пет. 3:13).
14, 15. Сар охрабринена амен о библиска лила со пишинѓа лен о Јован?
14 О апостол Јован исто аѓаар сине јекх таро пхраља кола со предводинена Јован 13:34, 35.)
сине ко христијанско собрание ко прво веко. Ов пишинѓа јекх интересно евангелие баши е Исусескири служба. Акава библиско лил веконцар охрабринѓа е христијанен, а охрабринела амен да авдиве. На пример, само ко акава евангелие аракхљовена е Исусескере лафија кај лескере чачутне ученикија ка овен пенџарде пало мангипе. (Читин15 Ко трин писмија со пишинѓа лен о Јован исто аѓаар иси скапоцена библиска чачипа. Кеда сием обесхрабриме таро амаре грешке, утешинела амен адава кеда читинаја кај е Исусескири откупно жртва „чистинела амен таро секова грево“ (1. Јов. 1:7). Ако понадари да осетинаја амен крива, ка ова утешиме кеда ка читина кај „о Девел тано побаро таро амаро вило“ (1. Јов. 3:20). Само о Јован пишинѓа кај „о Девел тано мангипе“ (1. Јов. 4:8, 16). Ко лескоро дујто хем трито писмо, ов фалинела е христијанен „кола со живинена спрема о чачипе“ (2. Јов. 4; 3. Јов. 3, 4).
16, 17. Сар о апостол Павле охрабринѓа е христијанен ко прво веко?
16 О апостол Павле денѓа бут шукар пример адалеа со охрабринела сине е пхрален. Кратко пало мерибе е Исусескоро, побаро дело таро апостолија ачхиле ко Ерусалим, коте со сине о водечко тело (Дела 8:14; 15:2). О христијања ки Јудеја проповединена сине башо Христос е манушенге со више верујнена сине ко јекх Девел. Ама о свети дух водинѓа е Павле те проповединел е Грконге, е Римјаненге хем е јавере манушенге со обожавинена сине буте девлен (Гал. 2:7-9; 1. Тим. 2:7).
17 О Павле патујнела сине ко подрачје кова сој авдиве пенџардо сар Турција, а исто аѓаар ки Грција хем Италија. Ов проповединела сине околенге со на сине Евреија кола со живинена сине ко адала тхана хем адари керѓа христијанска собранија. О живото на сине локхо адале неве христијаненге. Сине лен прогонство таро мануша ко тхан коте со живинена сине, адалеске ваљани сине ленге охрабрување (1. Сол. 2:14). Околу ко 50 берш а.е., о Павле пишинѓа јекх охрабрувачко писмо е неве собраниеске ко Солун. Ов вакерѓа: „Секогаш благодаринаја е Девлеске баши туменде кеда спомнинаја тумен ко амаре молитве, соске стално иси амен ки годи адава со керена поттикниме тари вера хем со трудинена тумен поттикниме таро мангипе хем тумари истрајност“ (1. Сол. 1:2, 3). Исто аѓаар, поттикнинѓа лен те керен јекх јекхескири вера зорали хем пишинѓа: „Охрабринен тумен машкар туменде хем поможинен тумен јекх јекхеа“ (1. Сол. 5:11).
О ВОДЕЧКО ТЕЛО ДЕЛА ОХРАБРУВАЊЕ
18. Сар о водечко тело ко прво веко охрабринѓа е Филипе?
18 Ко прво веко, о Јехова користинѓа е водечко тело те охрабринел са е христијанен, машкар кола со сине о пхраља да со предводинена ко собрание. Кеда о Филип проповединѓа е Самарјаненге, о пхраља таро водечко тело поддржинѓе ле. Ола бичхалѓе дује џенен лендар, е Петаре хем е Јоване, те молинен пе е неве христијаненге те добинел свети дух (Дела 8:5, 14-17). О Филип хем о неве пхраља хем пхења сигурно сине бут охрабриме тари поддршка со добинѓе ла таро водечко тело!
19. Сар осетинѓе пе о христијања кеда читинѓе о писмо таро водечко тело?
19 Пало несаво време, о водечко тело ваљанѓа те анел јекх важно одлука башо адава дали о христијања со на сине Евреија мора сине те обрежинен пе сар со сине пишимо ко е Мојсејескоро закони (Дела 15:1, 2). Откеда молинѓе пе башо свети дух хем керѓе лафи башо адава со пишинела ко Списија, о водечко тело одлучинѓа кај нане више потреба таро обрежување. Пало адава пишинѓе писмо колеа со објаснинѓе пли одлука хем бичхалѓе пхрален те ингарен ле ко собранија. Кеда о христијања читинѓе акава писмо, ола сине бахтале башо охрабрување (Дела 15:27-32).
20. а) Сар охрабринела амен о Водечко тело авдиве? б) Башо кова пучиба ка добина одговор ки јавер статија?
20 Авдиве, о Водечко тело е Јеховаскере сведоконгоро охрабринела е бетелитен, е специјална полновремена слуген ко подрачје хем саринен амен. Исто сар о пхраља таро прво веко, амен сием бахтале башо охрабрување! Исто аѓаар, те шај те охрабринел околен со мукхле о чачипе палем те иранен пе, ко 2015 берш о Водечко тело икалѓа и брошура Иран тут ко Јехова. * (Дикх и фуснота.) Ама дали само о пхраља со предводинена ваљани те охрабринен е јаверен? О одговор ка дикха ле ки јавер статија.
^ пас. 20 Акаја брошура нане ки романи чхиб, ама иси ки македонско.