Са повише те охрабрина амен јекх јекхеа
Те охрабрина амен јекх јекхеа, са повише кобор со дикхена кај авела попаше о диве (ЕВР. 10:24, 25)
ГИЉА: 90, 87
1. Соске о апостол Павле поттикнинѓа е христијанен со сине Евреија са повише те охрабринен пе јекх јекхеа?
КО ПРВО веко, о апостол Павле денѓа акава совет е христијаненге со сине Евреија: „Те размислина јекх јекхеске те шај те поттикнина амен те сикава мангипе хем те кера шукарипе, хем ма те мукха амаре состанокија сар несаве со керена, него те охрабрина амен јекх јекхеа, са повише кобор со дикхена кај авела попаше о диве“ (Евр. 10:24, 25). О пхраља шај пучена пе сине соске о Павле вакерѓа ленге са повише те охрабринен пе јекх јекхеа. Похари таро панџ берш пало адава, ола халиле јекх причина соске вакерѓа ленге адава. Ко адава време, ола халиле кај е Јеховаскоро диве башо судо упро Ерусалим сине паше хем кај ваљани те керен адава со вакерѓа ленге о Исус — те нашен тари диз (Лука 21:20-22; Дела 2:19, 20). Е Јеховаскоро диве ало ко 70 берш а.е., кеда о Римјања уништинѓе о Ерусалим.
2. Соске авдиве ваљани панда повише те охрабрина амен јекх јекхеа?
2 Авдиве, амен да сием ки слично ситуација. Е Јеховаскоро „баро хем бут страшно“ диве тано паше (Јоил ). О лафија со вакерѓа лен о пророко о Софонија важинена авдиве да: „Паше тано о баро диве е Јеховаскоро! Паше тано хем авела бут сигате!“ ( 2:11Соф. 1:14). Адалеске, ваљани „те размислина јекх јекхеске те шај те поттикнина амен те сикава мангипе хем те кера шукарипе“ (Евр. 10:24). Ваљани панда повише те сикава интерес амаре пхраленге хем пхењенге те шај те охрабрина лен кеда ваљани ленге адава.
КАСКЕ ВАЉАНИ ОХРАБРУВАЊЕ?
3. Со вакерѓа о апостол Павле башо охрабрување? (Дикх и слика ко почеток тари статија.)
3 Ки Библија пишинела: „О секирацие анена пхарипе е манушеске ко вило, а о шукар лафи керела ле бахтало“ (Изр. 12:25). Сариненге понекогаш ваљани охрабрување. О Павле сикавѓа кај ваљани охрабрување околенге да со охрабринена е јаверен. Ов пишинѓа пле пхраленге ко Рим: „Соске, едвај аџикерава те дикхав тумен, те шај те дав тумен несаво духовно поклон те шај те овен зорале, јавере лафенцар, заедно те охрабрина амен, ме тумаре а тумен мле вераја“ (Рим. 1:11, 12). Значи, чак е Павлеске да понекогаш ваљани сине охрабрување. (Читин Римјаните 15:30-32.)
4, 5. Кас шај те охрабрина авдиве, хем соске?
4 Авдиве, шај те охрабрина адален со служинена полновремено е Јеховаске, сар сој о верна пионерија. Бут џене лендар керѓе баре жртве те шај те овен пионерија. Акава исто важинела башо мисионерија, бетелитија, покраинска надгледникија хем ленгере ромња, хем окола со служинена ко преведувачка канцеларие. Ола керена жртве те шај те накхавен повише време ки служба башо Јехова. Адалеске, ваљани те охрабрина лен. Исто аѓаар, иси бут џене кола со понадари да мангена те овен ки полновремено служба, ама ленгере околностија на мукхена лен више. Ола да тане благодарна кеда добинена охрабрување.
5 Кас панда шај те охрабрина? Шај те охрабрина буте пхрален хем пхењен кола со биринѓе те ачховен коркори адалеске со мангена те овен послушна е Јеховаске хем те прандинен пе „само ко Господари“ (1. Кор. 7:39). О ромња тане охрабриме кеда ленгере рома вакерена ленге кај мангена лен хем кај тане благодарна башо са со керена (Изр. 31:28, 31). Е христијанен со истрајнена кеда иси лен прогонство или насвалипе исто аѓаар ваљани те охрабрина лен (2. Сол. 1:3-5). О Јехова хем о Исус утешинена са акале верна пхрален хем пхењен. (Читин 2. Солуњаните 2:16, 17.)
О СТАРЕШИНЕ ШАЈ ТЕ ОХРАБРИНЕН АМЕН
6. Сави задача иси е старешинен сој тане спомниме ко Исаија 32:1, 2?
6 Читин Исаија 32:1, 2. Живинаја ко пхаро време хем локхе шај те обесхрабрина амен. О Исус охрабринела амен преку о „кнезија“, а адала тане о старешине — бизи разлика дали тане пхраља сој помазаникија или таро јавера бакхре. Акала верна старешине нане „господарија“ амаре вераке него „соработникија“ те шај те ова бахтале. Ола мангена те поможинен аменге те ова бахтале хем те ачхова верна (2. Кор. 1:24).
7, 8. Сар шај о старешине те сикавен кај чаче грижинена пе е јаверенге?
7 О старешине шај те овен сар о апостол Павле, кова со секогаш трудинела 1. Сол. 2:8).
пе сине те охрабринел е пхрален. Ов пишинѓа е пхраленге таро Солун кола со сине прогониме: „Пхерде мангипаја туменге, сием сине спремна те да тумен на само о шукар хабери таро Девел него хем амаро живото, адалеске со заманглем тумен“ (8 О старешине шај бут те охрабринен пумаре лафенцар. Ама, дали адава тано секогаш доволно? О Павле вакерѓа е старешиненге таро Ефес: „Ваљани те керен бут бути сар асавке со поможинена околенге сој слаба, хем те икерен ки годи о лафија таро Господари о Исус, кова со коркори вакерѓа: ’Повише иси бахталипе кеда дела пе него кеда лела пе‘“ (Дела 20:35). О Павле е пхраленге вакерѓа: „Бахтало ка овав те дав туменге са со иси ман, а исто аѓаар мло живото да“. Ов пле постапкенцар сикавѓа кај тано спремно те дел пло најшукар ленге (2. Кор. 12:15). Слично, о старешине ваљани те охрабринен хем те утешинен е јаверен на само пле лафенцар него исто аѓаар пле постапкенцар да. Адалеа сикавена кај чаче грижинена пе аменге (1. Кор. 14:3).
9. Сар шај о старешине те ден совет ко јекх охрабрувачко начин?
9 Те шај те зајакнинен е пхрален, о старешине понекогаш ваљани те ден совет. Тари Библија ола шај те сикљовен сар те керен акава ко јекх охрабрувачко начин. О Исус денѓа бут шукар пример сар те дел пе совет кеда бичхалѓа пораке џи ко собранија ки Мала Азија пало пло воскресение. Ов денѓа строга советија е собраниенге ко Ефес, Пергам хем Тијатира. Ама, англедер те дел о совет, ов фалинѓа лен башо са о шукар буќа со керена лен сине (Отк. 2:1-5, 12, 13, 18, 19). О Исус вакерѓа е собраниеске ки Лаодикија: „Ме дава укор хем опомена са околенге со мангава лен. Адалеске ов ревно хем каин тут“ (Отк. 3:19). О старешине трудинена пе те овен сар о Исус кеда дена совет.
НА ВАЉАНИ САМО О СТАРЕШИНЕ ТЕ ОХРАБРИНЕН Е ЈАВЕРЕН
Дали сикавена тумаре чхавен те охрабринен е јаверен? (Дикх о пасус 10)
10. Сар шај сарине те зајакнина јекх јекхе?
10 Нане само о старешине адала со ваљани те охрабринен е јаверен. О Павле поттикнинѓа е христијанен те керен лафи башо „адава сој шукар, те шај те изградинел е јаверен кеда ваљани хем те користинел“ ленге (Еф. 4:29). Секој амендар ваљани те џанел со ваљани е јаверенге те шај те поможинел ленге. О Павле пишинѓа е христијаненге со сине Евреија: „Исправинен о уморна васта хем о слаба кочака хем исправинен о друмија коленде со пхирена тумаре пре, те шај о про сој слабо те на шининел пе, него те сасљол“ (Евр. 12:12, 13). Сарине амен, па чак о чхаве да, шај те зајакнина хем те охрабрина јекх јекхе амаре лафенцар.
11. Со поможинѓа е Мартаке кеда сине разочарими?
11 Јекх пхен со викинела пе Марта несаво време сине разочарими. * (Дикх и фуснота.) Ој пишинѓа: „Јекх диве, откеда молинѓум ман башо охрабрување, аракхљум јекхе попхуре пхења која со сикавѓа манге мангипе хем сочувство, а адава бут ваљанѓа манге тегани. Вакерѓа манге кај ој да накхља таро асавко нешто, хем осетинѓум ман кај на сиум коркори“. Адаја пхен веројатно ни на халили кобор бут лакере лафија поможинѓе е Мартаке!
12, 13. Сар шај те применина о совет таро Филипјаните 2:1-4?
12 О Павле пишинѓа е христијаненге ко Филипи: „Адалеске, ако иси тумен несаво охрабрување ко Христос, ако иси тумен несави утеха поттикними таро мангипе, ако иси тумен несаво јекхипе ко духо, ако иси тумен несаве нежна чувствија хем сочувство, керен те овав целосно бахтало аѓаар со сложно ка размислинен хем ка овел тумен о исто мангипе, ка овен целосно ко јекхипе, ка размислинен исто. Ма керен ништо тари холи или тари гордост, него понизно дикхен е јаверен сар побаре тумендар хем ма дикхен само туменге те овел шукар, него исто аѓаар е јаверенге да“ (13 Сарине ваљани те рода начинија те поможина јекх јекхеске. Ако мангаја те охрабрина амаре пхрален хем пхењен, ваљани те охрабрина лен мангипаја, те сикава кај грижинаја амен ленге хем те овен амен нежна чувствија хем сочувство ленге.
НЕСАВЕ НАЧИНИЈА САР ШАЈ ТЕ ОХРАБРИНА
14. Кова тано јекх начин сар шај те охрабрина некас?
14 Керела амен бахтале кеда шунаја кај ачховена верна окола каске со поможинѓем англедер. О апостол Јован пишинѓа: „Манге нане побаро бахталипе таро адава те шунав кај мле чхаве живинена спрема о чачипе“ (3. Јов. 4). Бут пионерија тане бахтале кеда шунена кај некој каске со поможинѓе те џанел о чачипе англедер бут берша, панда верно служинела е Јеховаске, па чак шај тано пионери. Адалеске, ако о пионерија тане обесхрабриме, шај те сетинкера лен ко са о шукар буќа со керѓе лен те шај те поможинен е јаверенге.
15. Сар шај те охрабрина околен со верно служинена е Јеховаске?
15 Бут покраинска надгледникија вакерѓе кај ола хем ленгере ромња сине охрабриме кеда добинѓе картичка баши благодарност откеда посетинѓе несаво собрание. Акава исто важинела башо старешине, мисионерија, пионерија хем бетелитија, кола со верно служинена е Јеховаске. Ако сикаваја ленге кај сием благодарна башо адава со керена, шај те охрабрина лен повише него со мислинаја.
САР ШАЈ СЕКОВА ЈЕКХ АМЕНДАР ТЕ ОХРАБРИНЕЛ Е ЈАВЕРЕН?
16. Кола едноставна буќа шај те охрабринен?
16 Шај нане туке локхо те кере лафи е јаверенцар хем адалеске мислинеа кај нашти те охрабрине лен. Со те кере тегани? Уствари, на ваљани те кера бут буќа те шај те охрабрина е јаверен. Пробин те аса некасаја. Ако ов да на асала туја, адава шај те значинел кај иси ле проблеми хем ваљани леске некасаја те керел лафи. Шај те утешине ле аѓаар со ка шуне ле (Јак. 1:19).
17. Со охрабринѓа јекхе терне пхрале?
17 Јекх терно пхрал кова со викинела пе Хенри сине бут разочаримо кеда некозом џене тари лескири фамилија чхинавѓе те служинен е Јеховаске. Јекх лендар сине лескоро дад, кова со служинела сине сар старешина. Јекх покраинско надгледнико приметинѓа кај о Хенри сине разочаримо хем адалеске викинѓа ле те џан ки кафа. Ов шукар шунела сине џикоте о Хенри Софонија 3:17, хем Марко 10:29, 30.
вакерѓа сар осетинела пе. О Хенри халило кај единствено начин сар шај те поможинел пле фамилијаке те иранел пе ко чачипе сине ов те ачховел верно. Исто аѓаар сине утешимо кеда читинѓа о лафија таро 46 Псалм,Сарине амен шај те зајакнина хем те охрабрина јекх јекхе (Дикх о пасус 18)
18. а) Со пишинѓа о цари о Соломон башо охрабрување? б) Со вакерѓа о апостол Павле?
18 Со шај те сикљова тари Марта хем таро Хенри? Секова јекх амендар шај те дел утеха хем охрабрување јекхе пхралеске или пхењаке кеда ваљани. О цари о Соломон пишинѓа: „О лафи вакердо ко право време — кобор тано шукар! Кеда некој тано бахтало со дикхела тут, адава керела о вило бахтало, хем о шукар хабери дела сила“ (Изр. 15:23, 30). Шај ли те сетине тут некасте со џанеа кај тано обесхрабримо или разочаримо? Шај ли те пробине те кере нешто едноставно, сар на пример те читине леске тари Стражарско кула или тари амари интернет-страница? Исто аѓаар, о Павле вакерѓа кај шај те осетина амен пошукар кеда заедно гиљаваја теократска гиља. Ов пишинѓа: „Сикавен хем охрабринен јекх јекхе псалменцар, фалбена гиленцар башо Девел, гиљавен гиља обожавибаске ко начин со сикавела благодарност, гиљавен таро вило е Јеховаске“ (Кол. 3:16; Дела 16:25).
19. Соске тано са поважно о охрабрување, хем со ваљани те кера?
19 Кобор сој попаше е Јеховаскоро диве, добором поважно тано те охрабрина амен јекх јекхеа (Евр. 10:25). Ка ова бахтале ако кераја адава со вакерѓа о Павле: „Охрабринен тумен машкар туменде хем поможинен тумен јекх јекхеа, сар со више хем керена“ (1. Сол. 5:11).
^ пас. 11 О анава тане мениме.