Тернален, дали туменге најважна о духовна целија?
Мукх о буќа е Јеховаске ко васта хем тле планија ка успејнен (ИЗР. 16:3)
ГИЉА: 135, 144
1-3. а) Ки сави ситуација аракхљовена са о терне хем солеа шај те споредина адава? (Дикх и слика ко почеток тари статија.) б) Со ка поможинел е терненге ки акаја ситуација?
ЗАМИСЛИН туке кај планиринеа те џа ко јекх посебно настан ко несаво дур тхан. Те шај те ресе џи адари, ваљани те џа автобусеа. Кеда ресеа ки автобуско станица ко почеток шај ка ове бунимо соске иси бут мануша хем автобусија. Ама, ту точно џанеа коте те џа хем кова автобуси те астаре. Нане те укле ко било саво автобуси соске џанеа кај аѓаар ка ресе ко погрешно тхан.
2 О живото тано сар јекх патување хем тумен о терне сиен сар о мануша ки автобуско станица. Понекогаш ко живото иси бут буќа со шај те биринен, а адава шај те бунинел тумен. Ама, ако точно џанена коте мангена те џан, ка овел туменге полокхо те анен о исправна одлуке. Кова правцо ко живото ваљани те џан?
3 Акаја статија ка одговоринел ко акава пучибе хем ка охрабринел тумен ко прво тхан ко тумаро живото те Изреки 16:3.)
овел о Јехова. Акава значинела те шунен е Јеховаскоро совет ко са о одлуке со ваљани те анен лен ко тумаро живото, сар на пример сави школа ка завршинен, со бути ка керен, или дали ка кхувен ко брако хем ка овел тумен чхаве. Исто аѓаар, значинела те трудинен тумен те исполнинен о духовна целија, а адала тане целија со ка керен тумен попаше е Јеховаја. Ако туменге најважно те служинен е Јеховаске, шај те овен сигурна кај ов ка дел тумен берекетија хем ка поможинел туменге те успејнен. (ЧитинСОСКЕ ВАЉАНИ ТЕ ЧХИВЕН ТУМЕНГЕ ДУХОВНА ЦЕЛИЈА?
4. Со ка дикха ки акаја статија?
4 Шукар тано те овел амен духовна целија. Соске? Ка дикха трин причине. И прво хем и дујто причина ка поможинен туменге те дикхен кај адава со ка трудинен тумен те исполнинен тумаре духовна целија ка керел тумен попаше амала е Јеховаја. И трито ка поможинел туменге те дикхен соске тано шукар те чхивен туменге целија панда сар терне.
5. Која тани и најважно причина соске ваљани те чхива аменге духовна целија?
5 Најважно причина соске ваљани те овен амен духовна целија тани те сикава кај сием благодарна башо е Јеховаскоро мангипе хем башо адава со керѓа аменге. Јекх псалмисти вакерѓа: „Шукар тано те благодаринел пе е Јеховаске... Соске ту кереа ман бахтало, Јехова, е буќенцар со керѓан лен, башо буќа со керѓан лен тле вастенцар бахтало гиљавава“ (Пс. 92:1, 4). Те размислина башо са о буќа со денѓа амен о Јехова: о живото, адава со пенџараја ле хем о чачипе баши лесте, и Библија, о собрание хем и надеж те живина вечно ко рај. Тернален, кеда чхивена туменге духовна целија сикавена е Јеховаске кај сиен благодарна башо са акала буќа хем адава керела тумен попаше леа.
6. а) Сар о духовна целија влијајнена ко тумаро амалипе е Јеховаја? б) Кола тане несаве целија со шај те чхивен туменге кеда сиен терне?
6 Која тани и дујто причина соске ваљани те чхива аменге духовна целија? Кеда трудинаја амен те исполнина амаре целија адалеа кераја аменге шукар анав англо Јехова. Адава керела амен те ова панда попаше леа. О апостол Павле пишинѓа акава ветување: „О Девел нане неправедно, па те бистрел адава со керѓен хем о мангипе со сикавѓен лескере анавеске“ (Евр. 6:10). Никогаш ма мислинен кај сиен бут тикне те чхивен туменге целија. На пример, е Кристина сине ла 10 берш кеда одлучинѓа редовно те читинел о искуствија таро верна пхраља хем пхења. Е Тобија сине ле 12 берш кеда чхивѓа песке цел те читинел цело Библија англедер те крстинел пе. Е Максиме сине ле 11 берш а лескере пхења е Ноема сине ла 10 берш кеда крстинѓе пе. О солдуј чхивѓе песке цел те служинен ко Бетел. Те шај те овел ленге најважно и цел, ола кхере закачинѓе и молба башо Бетел ко ѕидо. Сар и тано туменцар? Шај ли те размислинен саве целија шај тумен те чхивен туменге хем те трудинен тумен те исполнинен лен? (Читин Филипјаните 1:10, 11.)
Ако џанена кола тане тумаре целија, ка овел туменге полокхо те анен мудра одлуке
7, 8. а) Сар адава со ка чхива аменге целија ка поможинел аменге полокхе те ана одлуке? б) Соске јекх тинејџерка одлучинѓа те на џал ко факултети?
7 Која тани и трито причина соске тано шукар те чхивен туменге духовна целија? Кеда сиен терне ваљани те анен бут одлуке. Ваљани те одлучинен сави школа ка завршинен, со бути ка керен хем башо бут јавера буќа. Акала одлуке Изреки 21:5 пишинела: „О планија околескере со трудинела пе сигурно анена корист“. Кобор порано планиринена те чхивен туменге шукар целија, добором порано ка исполнинен лен. Акава случинѓа пе јекхе пхењаке со викинела пе Дамарис. Ој панда сар тинејџерка ваљани сине те анел јекх важно одлука.
тане сар раскрснице. Ако џанена коте џана, ка овел туменге полокхо те одлучинен таро кова друмо те џан. Слично, ако џанена кола тане тумаре целија, ка овел туменге полокхо те анен мудра одлуке. Ко8 Ла сине ла бут шукар оценке кеда завршинѓа е средно школаја хем шај сине те џал ко правно факултети бизо те платинел. Ама, наместо адава ој биринѓа те керел бути ки банка похари саатенцар. Соске? Адалеске со панда сар тикни, ој одлучинѓа те овел пионерка. Ој вакерела: „Адава значинела сине кај ваљани те керав похари саатија бути. Е дипломаја таро правно факултети шај сине те заработинав повише паре ама ка овел манге сине пхаро те аракхав бути похари саатенцар“. И Дамарис тани пионери више 20 берш. Дали мислинела кај чхивѓа песке исправно цел хем исправно одлучинѓа кеда сине тинејџерка? Оја. Ки банка коте со керела бути дикхела буте адвокатен хем ола керена адава со би керела сине ој ако џала сине факултети. Ој вакерела кај бут џене лендар нане бахтале пле буќаја. И Дамарис вакерела кај са акала берша сар пионерка керѓе ла бут бахтали хем поможинѓе лаке те на овел разочарими сар ленде.
9. Соске ценинаја амаре тернен?
9 Бут џене таро амаре терне ко цело свето анена шукар одлуке хем адалеске заслужинена те фалина лен. Ленгоро амалипе е Јеховаја хем о духовна целија тане ко прво тхан ко ленгоро живото. Акала терне чаче уживинена ко живото хем сикљовена ко са те шунен е Јеховаскере советија, сар сој сави школа или бути ка биринен, хем башо фамилијарно живото. О Соломон вакерѓа: „Нека овел тут доверба ко Јехова цело вилеа... Ко са тле друмија нека овел туке ки годи, хем ов ка испрајнел тле друмија“ (Изр. 3:5, 6). Тернален, о Јехова мангела тумен бут! Тумен сиен леске скапоцена хем ов ка заштитинел тумен, ка водинел тумен хем ка дел тумен берекети.
СПРЕМИН ТУТ ШУКАР ТЕ ШАЈ ТЕ ВАКЕРЕ Е ЈАВЕРЕНГЕ БАШО ЈЕХОВА
10. а) Соске о проповедибе ваљани те овел аменге јекх таро најважна буќа? б) Сар шај пошукар те објаснине е јаверенге ко со верујнеа?
10 Кеда туке најважно ко живото те кере адава со мангела о Јехова, тегани ка манге те вакере е јаверенге баши лесте. О Исус вакерѓа кај „најангле мора те овел проповедимо о шукар хабери“ (Мар. 13:10). О проповедибе тано итно, адалеске ваљани те овел аменге јекх таро најважна буќа ко амаро живото. Шај ли те чхиве туке цел повише време те џа ки служба? Шај ли те ове пионери? Ама, со ако на уживинеа бут ко проповедибе? Хем сар шај пошукар те објаснине јаверенге ко со верујнеа? Дуј буќа ка поможинен туке: спремин тут шукар хем ма откажин тут те вакере е јаверенге со џанеа башо Јехова. Тегани шај ка изненадине тут кобор ка уживине ки служба.
Сар шај те спремине тут те вакере е јаверенге башо Јехова? (Дикх о пасусија 11-12)
11, 12. а) Сар шај те спремине тут те вакере е јаверенге башо Јехова? б) Сар јекх терно пхрал користинѓа и прилика ки школа те керел лафи башо Јехова?
11 Почмин аѓаар со ка спремине туке одговорија башо несаве пучиба со шај те пучен тут тле соученикија, на пример: „Соске верујнеа ко Девел?“ Ки интернет-страница jw.org ки македонско чхиб иси статие кола со шај те поможинен туке те аракхе о одговор ко акава пучибе. Ако џаја ко БИБЛИСКИ УЧЕЊА > ТИНЕЈЏЕРИ, ка аракхе о работно листо „Зошто верувам во Бог?“ Те шај те спремине тло одговор, пхер акава работно листо. Ка аракхе трин библиска стихија кола со шај те користине лен: Евреите 3:4, Римјаните 1:20 хем Псалм 139:14. Адатхе иси јавера да работна листија кола со шај те користине лен те шај те спремине туке одговорија башо бут јавера пучиба. (Читин 1. Петрово 3:15.)
12 Вакер тле соучениконге кај шај коркори да те роден буќа со интересинена лен ки амари интернет-страница. О Лука керѓа акава. Ко часи керена сине лафи баши различна религие. О Лука приметинѓа кај ко лил пишинела сине буќа башо е Јеховаскере сведокија кола со на сине точна. Иако е Лука сине ле трема, ов пучља е наставничка дали шај ко часи те објаснинел пле соучениконге соске адала буќа нане точна. Ој дозволинѓа леске те објаснинел ко со верујнела хем ов сикавѓа ленге и интернет-страница. И наставничка денѓа домашно сариненге те дикхен о видео Победин е силеџиен бизо те маре ту. Шај ли те замислине туке кобор сине бахтало о Лука со керѓа лафи ки школа башо Јехова?
13. Соске на ваљани те обесхрабрина амен кеда ка овел аменге пхаро?
2. Тим. 4:2). Акава керѓа и Катерина. Ла сине ла 17 берш кеда чхивѓа песке цел те проповединел са пле колегенге. Јекх лендар вреџинѓа ла повише пути. Ама ој на бистерѓа пли цел. Адава со ој шукар понашинѓа пе бут влијајнѓа ко јекх јавер колега, кова со викинела пе Ханс. Ов почминѓа те читинел амаре публикацие, те проучинел и Библија хем крстинѓа пе. И Катерина на џанела сине башо акава соске селинѓа пе ко јавер тхан. Адалеске, 13 берш пало адава сине бут изненадими кеда гели ко состанок пле фамилијаја хем дикхља кај о пхрал со ка икерел о говор тано о Ханс! Сине бут бахтали со на откажинѓа пе тари пли цел те проповединел пле колегенге.
13 Кеда ка овел туменге пхаро, ма обесхрабринен тумен него трудинен тумен те исполнинен тумаре целија (МА БИСТРЕН ТУМАРЕ ЦЕЛИЈА
14, 15. а) Со на ваљани те бистре кеда о јавера керена туке притисок те кере адава ола со керена? б) Сар шај те ачхове силно кеда о јавера керена туке притисок?
14 Џи акана, акаја статија охрабринѓа тумен те одлучинен ко тумаро живото те овел туменге најважно те керен адава о Јехова со мангела хем те чхивен туменге духовна целија. Ама, бут терне ко тумаре берша дикхена само те забавинен пе. Веројатно ка вакерен туке ту да те кере адава со керена ола. Порано или покасно, о јавера ваљани те дикхен кај туке најважно те исполнине тле целија. Ма мукх о јавера те керен те бистре акала целија. Те ове сине ки автобуско станица баши која со керѓем лафи ко почеток тари статија, дали ка укле ко било кова автобуси само адалеске со о мануша ки лесте накхена песке шукар? Сигурно на!
15 Адалеске, со ваљани те кере те шај те ачхове силно кеда о јавера керена туке притисок те кере адава ола со керена? Избегин ситуацие коте со ка овел туке пхаро те издржине о притисок (Изр. 22:3). Размислин башо баре последице со ка овен тут ако кереа буќа сој тане погрешна (Гал. 6:7). Понизно признајн кај ваљани туке шукар совет. Шун со вакерена туке тле родителија хем о духовно зрела пхраља хем пхења ко собрание. (Читин 1. Петрово 5:5, 6.)
16. Сар е Кристофескоро искуство сикавела кобор тано важно те ова понизна?
16 И понизност поможинѓа јекхе пхралеске со викинела пе Кристоф те прифатинел шукар совет. Кратко откеда крстинѓа пе, ов почминѓа редовно те џал ко фитнес центар. Адатхе о јавера терне викинѓе ле те џал ленцар ко ленгоро спортско клуби. Ов керѓа лафи јекхе старешинаја башо адава хем о старешина вакерѓа леске те размислинел башо несаве опасностија, сар сој и желба те овел пошукар е јаверендар. Ама, о Кристоф одлучинѓа те џал ко адава спортско клуби. Пало несаво време, ов халило кај адава спорт сине насилно, па чак опасно. Ов палем керѓа е старешиненцар лафи хем ола денѓе ле совет тари Библија. О Кристоф вакерела: „О Јехова бичхалѓа манге шукар советникија хем ме шунѓум ле, иако ваљанѓа манге несаво време“. Дали ту да сиан доволно понизно те прифатине шукар совет?
17, 18. а) Со мангела о Јехова е терненге авдиве? б) Тернален, со ка поможинел туменге те на жалинен башо тумаре одлуке кеда ка овен возрасна? Вакерен пример.
17 Ки Библија пишинела: „Ов бахтало, тернеа [или терние], ко тло тернипа, Проп. 11:9). О Јехова мангела те овен бахтале панда сар терне. Ки акаја статија сиклилен кај јекх начин сар шај те овен бахтале тано те овен туменге најважна о духовна целија хем те шунен е Јеховаскере советија ко са о планија со керена лен. Со порано керена акава ко тумаро живото, добором порано ка дикхен сар о Јехова водинела тумен, заштитинела тумен хем дела тумен берекетија. Размислинен башо са о шукар советија со дела тумен ко пло Лафи, хем шунен акала лафија: „Ко тернипе сетин ту ко тло Баро Створители“ (Проп. 12:1).
хем тло вило нека овел бахтало ко тле тернипаскере диве“ (18 О терне сигате бајровена хем овена возрасна. Жално тано адава со бут џене лендар жалинена со чхивѓе песке погрешна целија или на сине лен нисаве целија кеда сине терне. Ама, ако туменге најважна о духовна целија, ка овен бахтале башо тумаре одлуке кеда ка овен возрасна. Аѓаар осетинела пе и Мирјана. Кеда сине тинејџерка, ој сине бут шукар ко спорт. Сине чак каними те џал ко Зимска олимписка игре. Ама, ој одлучинѓа те на џал соске биринѓа те служинел е Јеховаске полновремено. Оттегани накхле 30 берш, а ој панда тани ки полновремено служба заедно пле ромеа. Ој вакерела кај о мануша со мангена те овен славна, поштујме, моќна хем барвале никогаш нане чаче бахтале. Ој исто аѓаар вакерела кај најшукар цел тани те служине е Јеховаске хем те поможине е јаверенге те пенџарен ле.
19. Соске тано шукар панда сар терне те овен туменге најважна о духовна целија?
19 Тумен о терне заслужинена те овен фалиме, соске иако иси тумен предизвикија најважно туменге ко живото те служинен е Јеховаске. Чхивена туменге духовна целија хем ко проповедибе дикхена сар јекх таро најважна буќа ко тумаро живото. Исто аѓаар, на дозволинена о свето те керел те бистрен тумаре целија. Шај те овен сигурна кај тумаро трудо врединела. Иси тумен пхраља хем пхења со мангена тумен хем поддржинена тумен. Адалеске, мукхен о буќа е Јеховаске ко васта хем тумаре планија ка успејнен.