СТАТИЈА ПРОУЧИБАСКЕ 35
О Јехова бут мангела пле понизна слуген
О Јехова тано ко учипе, ама дикхела е понизно мануше (ПС. 138:6)
ГИЛИ 48 Секова диве те џа е Јеховаја
БАШО СО КА КЕРА ЛАФИ *
1. Сар дикхела о Јехова ко понизна мануша? Објаснин.
О ЈЕХОВА мангела е понизна манушен. Само окола со чаче тане понизна шај те овен лескере паше амала. Тари јавер страна, „е гордо мануше пенџарела ле само дуралдан“ (Пс. 138:6). Сарине амен мангаја те кера бахтало е Јехова хем те ова леа паше. Адалеске, иси амен шукар причине те сикљова те ова понизна.
2. Со ка дикха ки акаја статија?
2 Ки акаја статија ка кера лафи башо трин пучиба: 1) Сој тани и понизност? 2) Соске ваљани те сикава акаја особина? хем 3) Ко кола ситуацие шај те овел аменге пхаро те ачхова понизна? Сар со ка дикха, адава со ка сикава понизност ка керел бахтало е Јехова ама исто аѓаар ка користинел аменге лично (Изр. 27:11; Иса. 48:17).
СОЈ ТАНИ И ПОНИЗНОСТ?
3. Сој тани и понизност?
3 Окова сој тано понизно нане гордо хем на мислинела кај тано поважно таро јавера. Спрема и Библија, јекх понизно мануш хаљовела кај о Јехова тано бут побаро лестар. Исто аѓаар, ле иси ле исправно стави спрема о јавера хем хаљовела кај секова мануш тано ко нешто пошукар лестар (Фил. 2:3, 4).
4-5. Соске некој со дикхјовела кај тано понизно шај те на овел чаче понизно?
4 Несаве мануша само дикхјовена сар понизна. Шај тане лаџутне или шај сикавена кај поштујнена е јаверен Лука 6:45).
адалеске со аѓаар тане воспитиме. Ама, уствари, хор ки песте шај тане бут горда. Порано или покасно, ка сикавен саве тане чаче ко вило (5 Тари јавер страна, несаве дикхјовена кај иси лен бари доверба ки песте или слободно вакерена адава со мислинена, ама адава на ваљани те значинел кај тане горда (Јован 1:46, 47). Сепак, окола со нане лаџутне ваљани те пазинен те на овел лен бут бари доверба ко пле способностија соске аѓаар шај те овен горда. Бизи разлика дали сием лаџутне или на, сарине мора те трудина амен те ова чаче понизна.
О апостол Павле сине понизно хем на мислинела сине кај тано важно (Дикх о пасус 6) *
6. Спрема 1. Коринќаните 15:10, со шај те сикљова таро пример е Павлескоро?
6 Те дикха о пример е Павлескоро. О Јехова користинѓа ле бут те шај те керен пе неве собранија ко бут дизја. Шај проповединѓа ко повише дизја таро било кова апостоли е Исусескоро. Сепак, ов на мислинѓа кај тано пошукар или поважно таро пле пхраља. Ов понизно вакерѓа: „Ме сиум најтикно таро апостолија хем на заслужинава те овав викимо апостоли, соске ме прогонинава сине е Девлескере собрание“ (1. Кор. 15:9). Пало адава, о Павле исправно вакерѓа кај лескоро шукар однос е Јеховаја тано адалеске со о Јехова сикавѓа леске шукарипе со на заслужинела, а на адалеске со иси ле способностија или башо лескоро успех ки служба. (Читин 1. Коринќаните 15:10.) О Павле денѓа шукар пример баши понизност. Кеда пишинѓа пло писмо џи ко христијања таро Коринт, о Павле на фалинѓа пе иако несаве таро собрание критикујнена ле сине! (2. Кор. 10:10).
О Карл Клајн, јекх понизно пхрал со служинѓа сар члени ко Водечко тело (Дикх о пасус 7)
7. Сар јекх пхрал со сине ле одговорна задаче ки организација сикавѓа понизност?
7 Бут слуге е Девлескере тане охрабриме таро пример е пхралескоро Карл Клајн, кова со служинѓа сар члени ко Водечко тело. Ко *
пло искуство о пхрал Клајн понизно хем искрено вакерѓа башо пле слабостија хем проблемија коленцар со боринела пе сине ко живото. На пример ко 1922 берш прво пути проповединѓа таро кхер ко кхер. Адава сине леске добором бут пхаро со накхле скоро дуј берш англедер палем те џал ки служба таро кхер ко кхер. Покасно, кеда служинела сине ко Бетел, ов несаво време сине хољамо јекхе пхралеске адалеске со денѓа ле совет. Исто аѓаар, ов на лаџандило те вакерел кај сине ле нервен слом, колестар со покасно уло пошукар. Сепак, сине ле бут одговорна задаче. Иако сине ле баре одговорностија ки организација, о пхрал Клајн на лаџала сине те керел лафи башо пле слабостија. Адава сикавела кај сине бут понизно! Буте пхраленге хем пхењенге тано задоволство те сетинен пе ко пхрал Клајн хем ко лескоро искрено искуство.СОСКЕ ВАЉАНИ ТЕ СИКАВА ПОНИЗНОСТ?
8. Сар о лафија таро 1. Петрово 5:6 поможинена аменге те хаљова кај и понизност керела бахтало е Јехова?
8 И најважно причина соске ваљани те сикава понизност тани адалеске со адава керела бахтало е Јехова. Акава јасно дикхела пе таро лафија со вакерѓа лен о апостол Петар. (Читин 1. Петрово 5:6.) Поврзимо адалеа со вакерѓа о Петар, ко лил „Појди по мене!“ пишинела кај и гордост тани сар отров хем кај о последице латар шај те овен опасна. * Е гордо мануше, чак те овел бут способно, о Девел нане те користинел ле. Ама, е понизно мануше, чак те на овел добором способно, о Јехова шај бут те користинел ле. О Јехова ка овел бут бахтало те наградинел тут баши тли понизност. Чаче, иси ли нешто пошукар таро адава те кера бахтало е Јехова? (Изр. 23:15).
9. Соске мангаја те ова паше околенцар сој тане понизна?
9 Освен со кераја бахтало е Јехова, кеда трудинаја амен те ова понизна добинаја панда бут берекетија. Ако сием понизна, о јавера ка манген те овен паше аменцар. Те шај те хаљове соске адава тано аѓаар, размислин саве манушенцар мангеа те дружине тут (Мат. 7:12). Обично на мангаја те ова некасаја со мангела те овел са пало лескоро хем на прифатинела предлогија никастар. Спротивно таро адава, уживинаја кеда сием пхраленцар хем пхењенцар кола сој тане „сочувствителна, пхерде пхраликане мангипаја, милостива, понизна“ (1. Пет. 3:8). Ако амен привлечинена амен асавке мануша, веројатно амен да ка ова привлечна ленге — са џикоте сием понизна.
10. Сар и понизност керела полокхо амаро живото?
10 И понизност исто аѓаар керела полокхо амаро живото. Реално, понекогаш дикхаја или доживинаја буќа коленге со мислинаја кај нане фер. О мудро цари о Соломон вакерѓа: „Дикхљум слуге ко граста, хем кнезија со пхирена пешки сар слуге“ (Проп. 10:7). Понекогаш, о мануша сој тане бут способна баши несави бути на добинена чест башо адава. А окола сој тане похари способна добинена побари чест. Ама, о Соломон халило кај пошукар тано те прифатина и реалност него те вознемирина амен башо лошна околностија (Проп. 6:9). Ако сием понизна ка овел аменге полокхо те прифатина окола да буќа ко живото кола со на свиџинена пе аменге.
КЕДА ШАЈ ТЕ ОВЕЛ АМЕНГЕ ПХАРО ТЕ АЧХОВА ПОНИЗНА?
Соске шај те овел аменге пхаро те ачхова понизна ки асавки ситуација? (Дикх о пасусија 11-12) *
11. Соске ваљанела аменге понизност кеда ка добина совет?
11 Секова диве иси амен бут прилике те сикава понизност. Те дикха некобор ситуацие. Кеда ка добина совет. Шукар тано те на бистра кај ако некој трудинѓа пе те дел амен несаво совет, веројатно керѓем побари грешка него со мислинаја аменге. Ко асавке ситуацие, шај одма авела аменге те отфрлина о совет. Шај ка критикујна околе со денѓа амен о совет или о начин сар вакерѓа аменге. Ама, ако сием понизна, ка трудина амен те сикава исправно стави.
12. Спрема Изреки 27:5, 6, соске ваљани те ценина кеда некој ка дел амен совет? Вакер пример.
12 О понизно мануш ценинела кеда ка добинел совет. Те вакера јекх пример. Замислин кај сиан ки дворана. Откеда керѓан лафи некобор пхраленцар, јекх лендар цидела тут ки страна хем вакерела туке кај иси тут хари храна машкар о данда. Сигурно ка овел туке незгодно. Ама исто аѓаар, сигурно ка ове благодарно со вакерѓа туке адава. Уствари, шај би мангеа сине те вакерел туке некој порано! Слично, ваљани понизно те ценина кеда несаво пхрал или пхен ка кхедел храброст хем ка дел амен совет кова со ваљанела аменге. Адале мануше ваљани те дикха ле сар амал, а на сар душмани. (Читин Изреки 27:5, 6; Гал. 4:16.)
Соске ваљани аменге понизност кеда о јавера добинена одговорна задаче? (Дикх о пасусија 13-14) *
13. Сар шај те сикава понизност кеда о јавера добинена несави одговорно задача?
13 Кеда о јавера ка добинен несави одговорно задача. Јекх старешина со викинела пе Џејсон признајнела: „Кеда дикхава кај о јавера добинена несави одговорно задача, понекогаш пучава ман соске ме на добинѓум адаја задача“. Дали ту да некогаш 1. Тим. 3:1). Ама, ваљани те пазина амаро вило. Ако на пазинаја, шај те бајровел гордост ки лесте. На пример јекх пхрал шај те мислинел песке кај само ов шај најшукар те керел несави задача ко собрание. Или јекх пхен шај те мислинел песке: „Мо ром шај бут пошукар те керел адаја задача таро адава пхрал!“ Ама, ако чаче сием понизна, нане те размислина ко асавко начин.
осетинеа тут аѓаар? Нане погрешно те манга те служина ки побари мера (14. Со шај те сикљова таро адава сар реагиринѓа о Мојсеј кеда о јавера добинѓе одговорна задаче?
14 Шај бут те сикљова таро адава сар реагиринѓа о Мојсеј кеда о јавера добинѓе одговорна задаче. Ов бут ценинѓа пли задача те водинел е Израелцон. Ама сар реагиринѓа о Мојсеј кеда о Јехова чхивѓа јаверен да те служинен заедно леа? Ов на сине љубоморно (4. Мој. 11:24-29). О Мојсеј понизно дозволинѓа е јаверенге те поможинен леске ки задача те судинел е народоске (2. Мој. 18:13-24). Адалеске со сине повише судие, о Израелција на ваљани сине те аџикерен бут време, те шај те судинел пе ленге кеда сине потребно. Акава сикавела кај е Мојсееске сине поважно те поможинел е јаверенге него те овел ле бут одговорна задаче. Кобор шукар пример! Шукар тано те на бистра кај, ако мангаја те ова корисна е Јеховаске, поважно тано те ова понизна него те овел амен несави посебно вештина. „О Јехова тано ко учипе, ама дикхела е понизно мануше“ (Пс. 138:6).
15. Сар менинѓе пе о околностија буте пхраленгере хем пхењенгере?
15 Кеда ка менинен пе амаре околностија. Ко последна берша, бут пхраља хем пхења кола со бут време керѓе несави задача ки служба башо Јехова, добинѓе неви задача. На пример, ко 2014 берш о обласна надгледникија хем ленгере ромња сине замолиме те прифатинен јавера задаче ки полновремено служба. Почминдор таро адава берш, о покраинска надгледникија ваљани те чхинавен пле задачаја кеда ка пхерен 70 берш.
А о пхраља со иси лен 80 берш или повише, на ваљани више те служинен сар координаторија ко старешинство. Исто аѓаар, ко последна некобор берша, бут пхраља хем пхења тари бетелско фамилија сине бичхалде те служинен сар пионерија. Јавера мора сине те чхинавен е специјално полновремено службаја адалеске со сине лен проблемија састипаја, фамилијарна одговорностија или таро јавера причине.16. Сар амаре пхраља хем пхења сикавѓе понизност адалеа со прифатинѓе о неве околностија?
16 Буте пхраленге хем пхењенге на сине локхо те керен акала промене. Бут адалендар со добинѓе неви задача мангена сине бут пли пурани задача со керена ла сине бершенцар. Адалеске, џикоте прилагодинена пе сине ко неве околностија, ола накхле таро периоди кеда бут жалинена сине пали пли пурани задача. Ама, сар накхела сине о време ола прилагодинѓе пе. Соске? И главно причина тани адалеске со мангена е Јехова. Ола на ветинѓе е Јеховаске кај ка служинен леске само ако иси лен несави задача или одговорност (Кол. 3:23). Наместо адава, бахтале тане со шај понадари понизно те служинен е Јеховаске ки било која задача. Ола мукхена са пло пхарипе е Јеховаске, соске џанена кај ов грижинела пе ленге (1. Пет. 5:6, 7).
17. Соске сием благодарна со е Девлескоро Лафи поттикнинела амен те ова понизна?
17 Бут сием благодарна со е Девлескоро Лафи поттикнинела амен те ова понизна. Кеда сикаваја акаја особина, адава користинела хем аменге хем е јаверенге. Исто аѓаар, поможинела аменге полокхе те икљова ко крајо е проблеменцар со анела о живото. А најважно таро са, оваја попаше амаре Дадеа сој ко небо. Бут сием бахтале со џанаја кај о Семоќно Девел мангела хем ценинела пле понизна слуген! (Иса. 57:15).
ГИЛИ 45 О мисле мле вилескере
^ пас. 5 Јекх таро најважна особине со ваљани те овел амен тани и понизност. Сој тани и понизност? Соске ваљани те сикава акаја особина? Хем соске шај те овел аменге пхаро те ачхова понизна кеда менинена пе амаре околностија? Ки акаја статија ка кера лафи башо акала важна пучиба.
^ пас. 7 Дикх и статија „Јехова е многу добар со мене!“ таро 1 мај 2001, хем о искуство е пхралескоро Клајн кова со иклило ки Стражарско кула таро 1 октомври 1984 (англ.).
^ пас. 8 Дикх ко 3 поглавје, 23 пасус.
^ пас. 53 ОБЈАСНИМИ СЛИКА: Џикоте тано ко кхер ко јекх пхрал, о апостол Павле понизно дружинела пе е јаверенцар, чак е тикне чхавенцар.
^ пас. 57 ОБЈАСНИМИ СЛИКА: Јекх пхрал прифатинела библиско совет таро јекх потерно пхрал.
^ пас. 59 ОБЈАСНИМИ СЛИКА: О попхуро пхрал нане љубоморно е потерне пхралеске со иси ле одговорност ко собрание.