1-7 април
ПСАЛМИ 23 — 25
Гили 4 хем молитва | Уводна лафија (1 мин.)
1. „О Јехова тано мло Пастири“
(10 мин.)
О Јехова водинела амен (Пс 23:1-3; w11-MC 1/5 31, пас. 3)
О Јехова заштитинела амен (Пс 23:4; w11-MC 1/5 31, пас. 4)
О Јехова хранинела амен (Пс 23:5; w11-MC 1/5 31, пас. 5)
О Јехова грижинела пе пле слугенге исто сар со јекх пастири мангипаја грижинела пе пле бакхренге.
ПУЧ ТУТ: „Сар о Јехова лично манге грижинела пе?“
2. Духовна бисерија
(10 мин.)
Пс 23:3 — Со значинена о лафија „праведна патеке“, хем со ка поможинел амен те на цида амен лендар? (w11-MC 15/2 24, пас. 1-3)
Кола духовна бисерија таро читибе и Библија акале куркеске мангеа те вакере лен?
3. Читибе и Библија
(4 мин.) Пс 23:1 — 24:10 (th лекција 5)
4. Те почмина разговорија
(3 мин.) НЕФОРМАЛНО СВЕДОЧИБЕ. Читин охрабрувачко библиско стихо е манушеске кова со вакерѓа туке кај тано секиримо адалеске со о мануша уништинена и пхув. (lmd лекција 2, точка 5)
5. Те кера повторна посете
(4 мин.) ТАРО КХЕР КО КХЕР. Сикав сар изглединела јекх библиско курси некаске со леља и брошура Ов бахтало засекогаш. (lmd лекција 9, точка 3)
6. Те водина библиска курсија
(5 мин.) lff лекција 14, точка 4 (lmd лекција 11, точка 3)
Гили 54
7. Наш таро е јабанџиенгоро гласо
(15 мин.) Дискусија.
О бакхре пенџарена о гласо пле пастирескоро хем џана пали лесте. Тари јавер страна, ола нашена таро гласо е јабанџијаскоро со на пенџарена ле (Јвн 10:5). Слично, амен да шунаја о гласо амаре духовна пастиренгоро, е Јеховаскоро хем е Исусескоро, кола со бут мангена амен хем шај те овел амен доверба ки ленде (Пс 23:1; Јвн 10:11). Ама, на шунаја о гласо е јабанџиенгоро кола со користинена „ховавне лафија“ те шај те слабонкерен амари вера (2Пе 2:1, 3).
Ки 1. Мојсеева поглавје 3 тани пишими и ситуација кеда прво пути ки пхув сине шундо о гласо јекхе јабанџијаскоро. О Сатана на вакерѓа е Еваке кој тано чаче ов хем аѓаар ховавѓа ла. Ов керѓа пе кај тано лаке амал хем превртинѓа е Јеховаскере лафија хем о мотивија. Жално тано со и Ева шунѓа ле хем адава анѓа баре последице лаке хем лакере фамилијаке.
Авдиве, о Сатана пробинела те керел те сумнина амен ко Јехова хем ки лескири организација аѓаар со ширинела негативна извештаија, информацие со само нешто тане точна хем ховајба. Кеда ка шуна о гласо несаве јабанџијаскоро ваљани те наша. Ако шунаја адава гласо чак само хари тари радозналост, адава тано опасно. На ваљанѓе бут лафија е Сатанаске те шај те ховавел е Ева (1Мо 3:1, 4, 5). А со ако некој со пенџараја ле, некој со мангела амен хем иси ле шукар намере, мангела те вакерел аменге нешто негативно баши е Јеховаскири организација?
Мукх о ВИДЕОКЛИПИ Наш таро е јабанџиенгоро гласо. Пало адава пуч:
Со сикљоваја таро адава сар и Џејд постапинѓа пле дајаја, која со мангела сине те вакерел негативна буќа баши е Јеховаскири организација?
8. Собраниско проучибе и Библија
(30 мин.) bt-MC погл. 8, пас. 1-4 хем о рамке ко стр. 61-62
