18-24 ноември
ПСАЛМИ 107 — 108
Гили 7 хем молитва | Уводна лафија (1 мин.)
1. „Овен благодарна е Јеховаске соске тано шукар“
(10 мин.)
Слично сар со спасинѓа е Израелцон таро Вавилон, аѓаар о Јехова спасинѓа амен таро е Сатанаскоро свето (Пс 107:1, 2; Кол 1:13, 14)
Адава со сием благодарна е Јеховаске поттикнинела амен те фалина ле ко собрание (Пс 107:31, 32; w07-MC 15/4 20, пас. 2)
Амари благодарност спрема о Јехова бајрола кеда размислинаја башо са о буќа со керѓа аменге (Пс 107:43; w15-MC 15/1 9, пас. 4)
2. Духовна бисерија
(10 мин.)
-
Пс 108:9 — Соске шај о Моав сине споредимо легенеа коте со тховена пе пре? (it-2-E 420, пас. 4)
-
Кола духовна бисерија таро читибе и Библија акале куркеске мангеа те вакере лен?
3. Читибе и Библија
(4 мин.) Пс 107:1-28 (th лекција 5)
4. Те почмина разговорија
(3 мин.) НЕФОРМАЛНО СВЕДОЧИБЕ. (lmd лекција 1: точка 4)
5. Те кера повторна посете
(4 мин.) НЕФОРМАЛНО СВЕДОЧИБЕ. Кратко објаснин е манушеске башо амаро библиско курси хем де ле и визит-картичка башо библиско курси. (lmd лекција 9: точка 3)
6. Говор
(5 мин.) ijwyp-MC 90 — Тема: Сар те побединав о негативна мисле? (th лекција 14)
Гили 46
7. Сикаваја амари благодарност е Јеховаске кеда гиљаваја
(15 мин.) Дискусија.
Откеда о Јехова спасинѓа е Израелцон тари моќно египетско војска ко Црвено Море, ола тари благодарност гиљавѓе леске гили (2Мо 15:1-19). О мурша сине прва со почминѓе те гиљавен акаја неви гили (2Мо 15:21). Исто аѓаар, о Исус хем о христијања таро прво веко фалинена сине е Девле гиленцар (Мт 26:30; Кол 3:16). Амен да авдиве сикаваја амари благодарност спрема о Јехова аѓаар со гиљаваја ко состанокија хем ко конгресија. На пример, и гили со гиљавѓем ла акана „О фала Јехова“ гиљавела пе ко амаре состанокија панда таро 1966 берш.
Ко несаве културе, о мурша шај лаџана те гиљавен англо јавера мануша. А јавера на мангена те гиљавен соске мислинена кај нане лен шужо гласо. Ама на ваљани те бистра кај о гиљајбе ко амаре состанокија тано дело таро амаро обожавибе. Е Јеховаскири организација бут трудинела пе те компониринел шуже гиља хем те биринел гиља со одговоринена башо секова состанок. А амен ваљани само те гиљава заедно те шај те сикава амаро мангипе хем благодарност амаре Дадеске сој ко небо.
Мукх о ВИДЕОКЛИПИ Амари историја — о гиљајбе тано поклон (дујто дело). Пало адава пуч:
-
Кова важно настан случинѓа пе ко 1944 берш?
-
Сар амаре пхраља хем пхења таро Сибир сикавѓе кај ценинена о теократска гиља?
-
Соске о гиљајбе тано бут важно е Јеховаскере сведоконге?
8. Собраниско проучибе и Библија
(30 мин.) bt-MC погл. 18, пас. 6-15
