Почминдор таро акава берш, ка овел амен повише време те спремина амен баши Спомен-свеченост. Ако и Спомен-свеченост ваљани те икерел пе ко работно диве, адава курко нане те овел о состанок „Амаро живото хем служба“. Ако и Спомен-свеченост ваљани те икерел пе сабота или недела, нане те овел Јавно предавање хем Проучибе и Стражарско кула. Дали шукар ка користине адава слободно време? Исто сар со сине ко прво веко, ваљани те керен пе несаве практична подготовке башо акава посебно настан (Лк 22:7-13; km 3/15, 1 стр.). Ама, исто аѓаар, ваљани те спремина амаро вило. Сар шај те кера адава?

• Размислин кобор тано важно те ове присутно (1Ко 11:23-26).

• Одвојн време те молине тут хем те размислине башо тло однос е Јеховаја (1Ко 11:27-29; 2Ко 13:5).

• Читин хем хор размислин башо библиска извештаија хем статие коленде тано објаснимо соске тано важно акава настан (Јвн 3:16; 15:13).

Несаве објавителија спреминена пе баши Спомен-свеченост аѓаар со читинена хем размислинена башо извештаија тари Библија сој тане денде ки брошурка Секојдневно истражување на Писмото. Јавера читинена о библиска стихија сој тане денде ки табела ко акала листија спремибаске. А несаве палем, проучинена статие тари Стражарско кула коленде керела пе лафи баши Спомен-свеченост хем башо мангипе со о Јехова хем о Исус сикавѓе ле спрема аменде. Бизи разлика со ка бирине ту, адава нека поможинел туке те ове панда попаше е Јеховаја хем лескере Чхавеа.