Ко пло писмо џи ко Тит, о Павле поттикнинѓа е терне муршен, машкар ко кола сине о Тит, те трудинен пе ко секова поглед те овен „пример ко керибе шукар буќа“ (Тит 2:6, 7). Ко исто поглавје, ов пишинѓа кај е Јеховаскоро народо тано чистимо те шај ревно те керел шукар буќа (Тит 2:14). Јекх таро адала шукар буќа тано о проповедибе хем о сикајбе башо е Девлескоро Царство. Ако сиан терно, шај ли те користине тли сила те служине сар помошно или општо пионери? (Из 20:29).

Ако иси тут цел те служине сар пионери, кер туке шукар плани кова со ка поможинел туке те исполнине адаја цел (Лк 14:28-30). На пример, размислин башо акала пучиба: „Сар ка грижинав ман башо мле материјална потребе џикоте служинава полновремено? Сар ка исполнинав о саатија со родена пе?“ Освен адава, молин е Јехова те поможинел туке (Пс 37:5). Кер лафи башо тло плани тле родителенцар хем несаве искусна пионеренцар. Пало адава кер нешто те шај те исполнине тли цел. О Јехова сигурно ка наградинел адава со ревно трудинеа тут ки служба баши лесте!

ДИКХ О ВИДЕОКЛИПИ ТЕРНЕ КОЛА СО СЛАВИНЕНА Е ЈЕХОВА, А ПАЛО АДАВА ОДГОВОРИН КО АКАЛА ПУЧИБА:

• Саве предизвикија сине несаве тернен со мангле те овен пионерија, хем сар иклиле ленцар ко крајо?

• Сар шај о родителија те поможинен е чхавенге те овен општа пионерија?

• Соске тано важно те кере туке распоред баши служба?

• Сар шај о објавителија ко собрание те охрабринен хем те поможинен е пионерен?

• Саве берекетија иси е пионерен?