Соске ваљани те дружина амен околенцар со мангена е Јехова? Адалеске со о друштво шај те влијајнел упри аменде или позитивно или негативно (Из 13:20). На пример, о цари о Јоас керела сине „адава сој тано исправно ко е Јеховаскере јакхја“ са џикоте дружинела пе сине е првосвештеникоја, е Јодајеа (2Ле 24:2). Пало мерибе е Јодајескоро, о Јоас мукхља е Јехова адалеске со сине ле лошно друштво (2Ле 24:17-19).

Ко прво веко тари а.е., о апостол Павле спорединѓа о христијанско собрание јекхе „баре кхереа“, а о членија таро собрание „чаренцар“. Ка ова „чаре со користинена пе башо шукар буќа“ ако пазинаја те на ова паше околенцар со керена буќа со на мангела лен о Јехова, па чак некасаја тари амари фамилија или некој таро собрание (2Ти 2:20, 21). Адалеске, понадари да те дружина амен околенцар со мангена е Јехова хем со охрабринена амен те служина леске.

ДИКХ О ВИДЕОКЛИПИ ТЕ АРАКХА АМЕН ТАРО ЛОШНО ДРУШТВО, А ПАЛО АДАВА ОДГОВОРИН КО АКАЛА ПУЧИБА:

• Сар шај, бизо те приметина, те дружина амен лошно друштвоја?

• Со поможинѓа е дује пхраленге хем е пхењаке те циден пе таро лошно друштво?

• Кола библиска начелија шај те поможинен туке мудро те бирине касаја ка дружине тут?