О исклучибе тано заштита е собраниеске хем укор околеске со бизо те каинел пе керела гревија (1Ко 5:6, 11). Кеда поддржинаја асавко укор таро Јехова, сикаваја мангипе. Ама, сар шај те овел адава аѓаар кеда о исклучибе анела емоционално дукх сариненге, сар сој е фамилијаке хем е пхраленге таро правно одбор?

Највише таро са сикаваја мангипе спрема о Јехова хем лескере мерилија баши светост (1Пе 1:14-16). Исто аѓаар, сикаваја мангипе спрема окова сој тано исклучимо. О укор анела дукх, ама адала со прифатинена ле шај те живинен праведно хем те овел лен мир (Ев 12:5, 6, 11). Нане те поддржина е Јеховаскоро укор ако дружинаја амен некасаја сој исклучимо или некасаја со коркори одвојнѓа пе тари организација. Те на бистра кај о Јехова на казнинела повише него со ваљани (Ере 30:11). Амен надинаја амен кај ола ка иранен пе ко амаро мангло Дад о Јехова. Са џикоте на овела адава, амен понадари да поддржинаја е Јеховаскоро укор хем кераја са со шај те ачхова паше леа (Иса 1:16-18; 55:7).

ДИКХ О ВИДЕОКЛИПИ ОВ ВЕРНО Е ЈЕХОВАСКЕ ЦЕЛО ВИЛЕА КОВА СО ТЕМЕЛИНЕЛА ПЕ КО ЗАМИСЛИМО СЦЕНАРИО, А ПАЛО АДАВА ОДГОВОРИН КО АКАЛА ПУЧИБА:

• Сави дукх осетинена о родителија кеда ленгере чхаве мукхена е Јехова?

• Сар шај о собрание те поможинел е фамилијаке?

• Кова библиско извештај сикавела кобор тано важно те ова верна е Јеховаске, наместо амаре фамилијаке?

• Сар шај те сикава кај поважно аменге те ова верна е Јеховаске, наместо амаре фамилијаке?