О Исус вакерѓа: „Бизо паре добинѓен, бизо паре ден“ (Мт 10:8). Амен шунаја акава упатство аѓаар со даја Библие хем библиско литература бизо паре (2Ко 2:17). Иако тане бизо паре, ко акала публикацие тано пишимо о чачипе сој тано ко е Девлескоро Лафи. Ваљани бут паре хем бути те печатинел пе хем те легарел пе и литература ко собранија ко цело свето. Адалеске, ваљани те ла литература кобор со ваљани аменге.

Ов проникливо кеда деа литература, чак кеда сведочинеа ко прометна тхана (Мт 7:6). Наместо само те де литература е манушенге со накхена, трудин тут те почмине те кере ленцар лафи те шај те дикхе дали чаче тане заинтересириме. Дали шај те одговорине оја ко јекх таро акала пучиба тари рамка? Ако нашти дикхеа дали некој чаче иси ле интерес, најшукар тано те де ле трактати. А ако родела списание или јавер публикација, тегани ка да ле (Из 3:27, 28).