И надеж тани сар котва (Ев 6:19). Ој поможинела аменге те на овел амен духовно бродолом кеда иси амен буре ко живото (1Ти 1:18, 19). Адала буре шај те овен кеда сием разочариме таро амаре грешке, кеда иси амен финансиска хем здравствена проблемија, кеда мерела амендар некој или кеда иси амен испит баши вера.

И вера хем и надеж поможинена амен јасно те дикха и награда сој аменге ветими (2Ко 4:16-18; Ев 11:13, 26, 27). Адалеске, бизи разлика дали иси амен надеж те живина ко небо или ки Пхув, амен ваљани редовно те зајакнина амари надеж адалеа со хор ка размислина башо адава со ветинела е Девлескоро Лафи. Аѓаар полокхе ка шај те ачхова радосна кеда иси амен неволје (1Пе 1:6, 7).

ДИКХ О ВИДЕОКЛИПИ РАДУЈН ТУТ БАШИ ТЛИ НАДЕЖ, А ПАЛО АДАВА КЕРЕН ЛАФИ БАШО АКАЛА ПУЧИБА:

• Соске о Мојсеј тано шукар пример аменге?

• Сави одговорност иси е поглаварен ки фамилија?

• Башо со шај те керен лафи ки Фамилијарно рат?

• Сар и надеж шај те поможинел тут храбро те икљове ко крајо е неволјенцар?

• Кова благослов едвај аџикереја ко нево свето?