Кратко англедер и Пасха ко 32 берш а.е., о Исус керѓа о единствено чудо сој тано пишимо ко соштар евангелија.

Адава со керѓа о Исус акале чудоја, керела ле авдиве да.

14:16-21

• О Исус вакерѓа пле учениконге те парварен буте манушен иако сине ле само панџ маре хем дуј мачхе

• О Исус леља о маро хем о мачхе хем, откеда молинѓа пе, денѓа лен пле учениконге хем ола делинѓе лен е манушенге

• Акава сине чаче баро чудо соске сине повише хајбаске него со ваљани сине. О Исус парварѓа буте манушен преку некобор васта — пле учениконгере

• О Исус пророкујнѓа кај ко последна диве, ов ка дел пле слугенге духовно храна ко право време (Мт 24:45)

• Ко 1919 берш, о Исус поставинѓа е „верно хем разборито робо“ — тикни група таро помазаникија со ка ден храна лескере слугенге

• Преку акаја тикни група таро помазаникија, о Исус авдиве да керела адава со керела ле сине ко прво веко

Сар шај те сикавав кај ценинава е верно робо касте со о Исус поставинѓа ле те делинел духовно храна?