ТЕ ЖИВИНА САР ХРИСТИЈАЊА
Кер пошукар и служба — кеда те чхинаве несаво библиско курси
СОСКЕ ТАНО ВАЖНО: Те шај те овен спасиме, о мануша мора те викинен е Јеховаскоро анав (Ри 10:13, 14). Ама, иако несаве мангена те сикљовен тари Библија, нане спремна те живинен спрема е Јеховаскере мерилија. Адалеске, најшукар ка користина амаро време ако ки служба поможинаја адаленге со чаче тане спремна те керен промене ко пумаро живото те шај те угодинен е Јеховаске. Ако јекх интересенти на сикавела напредок пало несаво одредено време, ка овел мудро те чхинава те проучина леа хем те концентририна амен ко адала со о Јехова привлекујнела лен ки песте хем ки пли организација (Јвн 6:44). Џанѓола пе, ако пало несаво време адава мануш почминела те керел промене хем аѓаар сикавела кај исправно дикхела „ко вечно живото“, ка овел аменге мило палем те почмина те проучина леа (Де 13:48).
САР ТЕ КЕРА АДАВА:
-
Пофалин е интересенте башо адава со мангела те сикљол баши Библија (1Ти 2:4).
-
Истакнин кобор тано важно те икерел пе ко адава со сиклило (Лк 6:46-49).
-
Ко јекх љубезно начин објаснин и споредба е Исусескири башо сејачи, хем поттикнин ле те размислинел со чхинавела ле ко живото те керел промене (Мт 13:18-23).
-
Тактично објаснин леске соске нане повише те проучинен
-
Вакер леске кај понекогаш ка јавине тут леске или ка посетине ле те шај те охрабрине ле, хем кај ки иднина ка шај палем те проучинен ако почминела те керел промене ко пло живото
ДИКХ О ВИДЕОКЛИПИ, ХЕМ ПАЛО АДАВА ОДГОВОРИН КО АКАЛА ПУЧИБА:
-
Сар таро акава разговор дикхела пе кај о интересенти нане ле напредок ко духовно поглед?
-
Сар о објавители поможинѓа е интересентеске те хаљол кај ваљани те керел промене?
-
Сар о објавители сикавѓа кај мангела о библиско курси те продолжинел ки иднина?