О Јехова дикхела сериозно ко брачно завет хем мангела о ром хем и ромни те ачховен заедно (Мт 19:5, 6). Ко е Девлескоро народо иси бут бахтале бракија. Сепак, ни јекх брако нане совршено хем адалеске појавинена пе проблемија. На смејнаја те прифатина о стави кова сој тано вообичаено ко свето, кај о одвојбе хем о развод тано решение башо брачна проблемија. Сар шај те аракха амаро брако?

Те дикха панџ буќа кола со ка поможинен амен ко адава.

1. Аракх тло вило аѓаар со ка избегине буќа со шај те керен штета ко тло брако, сар сој о флертујбе хем и неморално забава (Мт 5:28; 2Пе 2:14).

2. Ов са попаше е Јеховаја хем бајрар тли желба те кере ле бахтало тле бракоја (Пс 97:10).

3. Понадари да урав и неви личност хем кер чак тикне буќа тле брачно партнереске коленцар со ка кере лескоро живото пошужо (Кол 3:8-10, 12-14).

4. Нека овел тут шукар комуникација тле брачно партнереа (Кол 4:6).

5. Исполнин тли брачно должност мангипаја (1Ко 7:3, 4; 10:24).

Адалеа со сикаваја поштовање спрема о брако, сикаваја поштовање хем спрема о Јехова, кова со керѓа о брако.

ДИКХ О ВИДЕОКЛИПИ ВАЉАНИ „ИСТРАЈНО ТЕ ПРАСТА“ — ИКЕР ТУТ КО ПРАВИЛИЈА, А ПАЛО АДАВА ОДГОВОРИН КО АКАЛА ПУЧИБА:

• Саве проблемија шај те појавинен пе ко брако кова со сине ле шукар почеток?

• Кола библиска начелија шај те поможинен околенге кола со мислинена кај нане лен мангипе ко брако?

• Саве правилија денѓа о Јехова башо брако?

• Со ваљани те керен о солдуј брачна партнерија те шај те овел ленгоро брако успешно?