Живинаја ко свето коте со о шукар тано лошно, а о лошно тано шукар (Иса 5:20). Жално тано со несаве мануша керена буќа со мрзинела о Јехова, сар на пример, на понашинена пе сар со ваљани е манушенцар таро исто пол. Несаве соученикија или некој јавер шај ка манген те чхивен тле чхаве те постапинел сар ленде. Сар шај те поможине тле чхавеске исправно те постапинел ко асавке ситуацие?

Англедер спремин тле чхаве аѓаар со ка сикаве ле башо е Јеховаскере мерилија (3Мо 18:3). Постепено, спрема лескере берша, вакер леске со вакерела и Библија башо сексуална односија (5Мо 6:7). Пуч тут: „Дали поможинѓум мле чхавеске те хаљовел кова тано о исправно хем неисправно начин те сикавел пе мангипе спрема лесте, кобор тано важно те уравел пе пристојно хем кобор тано важно о јавера те поштујнен лескири приватност? Ка џанел ли мло чхаво со те керел ако некој мангела те сикавел леске порнографија или ако некој родела лестар те керел нешто со на мангела о Јехова?“ Ако англедер вакереа тле чхавенге адава со ваљани те џанен, ка заштитине лен таро бут проблемија (Из 27:12; Про 7:12). Адалеа со ка кере тле чхавенцар лафи баши акаја тема, ка сикаве ленге кај мангеа лен бут хем кај дикхеа лен сар скапоцено наследство таро Јехова (Пс 127:3).

ДИКХ О ВИДЕОКЛИПИ КЕР ТУКЕ КХЕР СО КА ИЗДРЖИНЕЛ СА — АРАКХ ТЛЕ ЧХАВЕН ТАРО „АДАВА СОЈ ЛОШНО“, А ПАЛО АДАВА ОДГОВОРИН КО АКАЛА ПУЧИБА:

• Соске несаве родителенге нане локхо те керен лафи пумаре чхавенцар башо сексуална односија?

• Соске о родителија ваљани те опоменинен пумаре чхавен хем те воспитинен лен аѓаар сар со вакерела о Јехова? (Еф 6:4).

• Кола буќа тари е Јеховаскири организација шај те користинен о родителија те шај те керен лафи пумаре чхавенцар башо сексуална односија? (w19.05 12, рамка).

• Соске ваљани редовно те комуницирине тле чхавенцар панда англедер те појавинен пе проблемија?