Исто сар со организиринѓа е Израелцон ко пурано време, о Јехова организиринела амен да авдиве те шај те кера и задача со денѓа амен. О подружнице, о покраине, о собранија хем о групе проповедибаске, ко цело свето соработинена заедно те шај те проповединел пе о шукар хабери. Проповединаја секаске, чак околенге со керена лафи ки јавер чхиб (От 14:6, 7).

Дали размислинѓан те сикљове јавер чхиб те шај те поможине некаске те дознајнел о чачипе? Чак ако нане тут доволно време те сикљове неви чхиб, шај те сикљове несави едноставно презентација ки несави чхиб. Џикоте користинеа ки служба и презентација, ка ове бахтало исто сар о пхраља со сине ко прво веко кеда мануша таро јавера пхувја сине воодушевиме со шунѓе ки пли чхиб башо моќна буќа со керѓа о Девел (Де 2:7-11).

ДИКХ О ВИДЕОКЛИПИ КЕР ПОШУКАР И СЛУЖБА — ПРОПОВЕДИБЕ КО ПОДРАЧЈЕ КОТЕ СО КЕРЕНА ЛАФИ КО ПОВИШЕ ЧХИБЈА, А ПАЛО АДАВА ОДГОВОРИН КО АКАЛА ПУЧИБА:

• Сар шај те спремине тут те проповедине ко тхан коте со керела пе лафи ко повише чхибја?

• Ко саве чхибја керена о мануша лафи ко тло подрачје?

• Со ваљани те кере ако некој со керела лафи ки јавер чхив сикавела интерес башо шукар хабери? (od-MC 100-101, пас. 39-41).