О Самоил ачхило верно е Јеховаске цело пло живото. Панда таро тикнипе ов на сине сар о Офни хем о Финес, е Илијескере румиме чхаве (1Са 2:22-26). О Самоил џикоте бајрола сине, о Јехова сине леа (1Са 3:19). Кеда пхурило, ов понадари да верно служинѓа е Јеховаске, иако лескере чхаве на керѓе адава (1Са 8:1-5).

Со шај те сикљова таро е Самоилескоро пример? Ако сиан терно, ов сигурно кај о Јехова џанела саве предизвикија иси тут хем сар осетинеа тут? Ка поможинел туке те ове храбро (Иса 41:10, 13). Ако сиан родители хем то чхаво на служинела е Јеховаске, шај те утешинел тут адава со о Самоил на чхивѓа силаја пле возрасна чхавен те ачховен верна е Јеховаске. Џикоте мукхља о буќа е Јеховаске ко васта, ов понадари да ачхило верно хем керѓа е Јеховаскири волја. Тумаро шукар пример шај те поттикнинел тумаре чхаве те иранел пе ко Јехова.

ДИКХ О КЛИПИ СО СИКЉОВАЈА ЛЕНДАР — САМОИЛ, А ПАЛО АДАВА ОДГОВОРИН КО АКАЛА ПУЧИБА:

• Сар о Самоил сикавѓа храброст кеда сине тикно?

• Сар о Дени сикавѓа храброст?

• Сар о Самоил сине шукар пример кеда сине попхуро да?

• Сар е Денискере родителија денѓе шукар пример?