И Библија шај те влијајнел упро амаро живото (Ев 4:12). Ама, те шај те овел амен корист таро лакере упатствија хем советија, ваљани те ова увериме кај ој чаче авела таро Девел (1Со 2:13). Сар шај те кера амари вера позорали ки Библија?

Читин и Библија секова диве. Џикоте читинеа ла, роде доказија кај ој авела таро Јехова. На пример, истражин о советија таро лил Изреки хем дикх сар и мудрост лендар шај те поможинел туке ко тло живото (Из 13:20; 14:30).

Истражин повише баши лате. Истражин доказија со сикавена кај и Библија авела таро Девел. Ко Прирачникот за истражување на публикациите на Јеховините сведоци, роде и тема „Библија“ хем о поднаслов „Вдахновена од Бог“. Исто аѓаар, шај те кере тли вера позорали ко адава кај и Библија нане меними ако истражинеа о информацие тари статија „Како Библијата опстанала до ден-денес“, која со иклили ко Разбудете се! таро ноември 2007 берш.

ДИКХ О КЛИПИ СОСКЕ ВЕРУЈНАЈА КАЈ... И БИБЛИЈА ТАНИ Е ДЕВЛЕСКОРО ЛАФИ, ХЕМ ПАЛО АДАВА ОДГОВОРИН КО АКАЛА ПУЧИБА:

• Сар адава со откринѓе ко Карнак (Египет) сикавела кај и Библија керела лафи башо чачутне настанија?

  Тло одговор

• Котар џанаја кај и Библија нане меними?

  Тло одговор

• Сар адава со и Библија постојнела авдиве да докажинела туке кај ој тани е Девлескоро Лафи? (Читин Исаија 40:8.)

  Тло одговор