Ко акала последна диве, иси амен бут неволје. Понекогаш шај осетинаја кај нашти више те издржина. Ама, ако понадари да сием паше е Јеховаја, ов ка поможинел амен те истрајна чак ко најпхаре ситуацие (Иса 43:2, 4). Сар шај те ова паше е Јеховаја кеда доживинаја пхаре ситуацие?

Молитва. Кеда пхраваја амаро вило е Јеховаске, ов дела амен андруно мир хем сила те истрајна (Фп 4:6, 7; 1Со 5:17).

Состанокија. Повише таро било кеда, ваљани аменге о советија тари Библија хем о друштво таро амаре пхраља хем пхења со дела амен о Јехова преку амаре состанокија (Ев 10:24, 25). Кеда спреминаја амен башо состанокија, сием присутна хем учествујнаја ки ленде, тегани иси амен целосно корист тари помош со дела амен о Јехова преку пло свети дух (От 2:29).

Служба. Ка овел аменге полокхо те концентририна амен ко позитивна буќа ако кераја са со шај те ачхова зафатиме ки служба. Аѓаар ка ова попаше амала е Јеховаја хем амаре пхраленцар хем пхењенцар (1Ко 3:5-10).

ДИКХ О КЛИПИ О ЈЕХОВА КА ОВЕЛ ПАШЕ УЗИ ТУТЕ, А ПАЛО АДАВА ОДГОВОРИН КО АКАЛА ПУЧИБА:

• Со поможинѓа е пхењаке Малу те овел паше е Јеховаја џикоте накхела сине таро пхаре ситуацие?

  Тло одговор

• Слично сар е пхења, сар шај о стихо таро Псалм 34:18 те утешинел амен кеда иси амен неволје?

  Тло одговор

• Сар о искуство е пхењакоро сикавела аменге кај о Јехова дела амен сила „која со накхавела и нормално“ кеда иси амен неволје? (2Ко 4:7).

  Тло одговор