9:62

Те шај те рандел права бразде, о мануш со рандела на мукхела адава со овела пали лесте те лел лескоро внимание. Слично аѓаар, јекх христијани не смејнела те мукхел о буќа таро свето со мукхља лен пали песте те лен лескоро внимание (Фп 3:13).

Кеда иси амен пхарипа, шај бут локхе те почмина те рода о „шукар“ пуране диве, или о време англедер те ова христијања. Шај те мислина кај поангле сине амен похари проблемија хем кај сием сине побахтале. Баш адава керѓе о Израелција кеда иклиле таро Египет (4Мо 11:5, 6). Ако стално мислинаја башо адава, шај те ирана амен ко живото со водинаја сине поангле. Кобор пошукар тано те мислина башо берекетија со иси амен авдиве хем кеда ка владинел е Девлескоро Царство! (2Ко 4:16-18).